1 Samuel 3:1 - Uwumbɔr aagbaŋ

¹ N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.

1 Samuel 3:1 ပူးပေါင်းရင်းမြစ်များ

Ilahn 74:9

Timi aawan nimɔk ye kitork aawan na buen a; saabɔnabtiib aa ki gur, le ubaa aa nyi nimina aah ga yunn ki ti saa pu na.

Ŋiyataŋak 29:18

Litimbol li kaa kpa Uwumbɔr aasurm na aa bi mbamɔm. Unii u joo Uwumbɔr aakaal na le kpa mpopiin.

Aisaya 13:12

Binib bi ga ŋmar na aan li ban kani ke salmaa aah kaa ban kani pu na la.

Esekiel 7:26

Tibɔbir tibaa ga dan, le tiken paan ni ti pu, le tibɔbir ga li puu fuur ni nimi ke nkpen aah puu pu na. Ni ga gaŋ maabɔnabtiib ke bi tuk nimi baah kan tibɔr ti ga dan ni pu na. Bitotoorb aan li kpa nibaa bi di mɔk binib, le bininkpiib aan li kpa nsurm mubaa bi tii.

1 Samuel 2:11

Tɔ, Elkana gir kun Rama, le Samuel u laa ye ubo na gaar Silo, ki tun Uwumbɔr aatuln, utotoor Eli chee.

1 Samuel 2:18

N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.

1 Samuel 2:35

Le m ga lee utotoor u ga dii mi mbamɔm, ki ŋani tiwan nimɔk m ban na. M ga tii u yaabitiib bi ga li tun maatuln, maabɔr u m lee u na chee n‑yoonn mɔmɔk.

1 Samuel 2:36

Aayaabitiib ponn ni u ŋmar na ga li chaa utotoor ngbaan chee le ki ti mee ŋimombil, ni tijikaar, le ki gaŋ u ke u cha u ter bitotoorb baatuln ni, aan ki kan nibaa ki ti kpiin ubaa.”

1 Samuel 3:15

Samuel nan gaar dɔ le kitaak ti woln; le u fii ki piir Uwumbɔr Aadichal aabisamɔi. Waa nan kaa ke u bui Eli tibɔr ti Uwumbɔr kpiir tuk u na.

1 Samuel 3:21

Uwumbɔr nan beenin joo ubaa mɔk Samuel, Silo aatiŋ ni, ki kpiir waabɔr tuk u nima chee. Samuel yaa len pu na kan, Israel aanib mɔmɔk pel la.