1 Samuel 29:3 - Uwumbɔr aagbaŋ

³ Le Filistia aajab aaninkpiib kan bi, le ki baa ke, “Hiibru yaab bee bi do ŋani ba?” Le Akis bui ke, “Israel yaab Aabɔr Sɔɔl aajab aaninkpel David sɔ. U bi ni chee do, ni yunn pam. Waah fuu ni do bundaln ki nan saa din wee na, waa ŋa taani ubaa m ga ŋmaa di galn u.”

1 Samuel 29:3 ပူးပေါင်းရင်းမြစ်များ

Mpiin 14:13

Tɔ, unii ubaa le nan san ŋmar, ki buen ti tuk Abram, u ye Hiibru aanii, ki nan ka gbɔk Amor aanii Mamre aasui sakpiin na, le u ni unaatiib Eskol ni Aner nan si Abram aachaŋ ni.

1 Bibɔrb Aabɔr 12:19

Manase aanibol ni aajab bibaa nan buen ti kpee David pu, buyoonn u ni Filistia yaab nan cha bi ti faa Ubɔr Sɔɔl butɔb na. Mbamɔn, Filistia aabɔrb nan san ijawaan ke nibaakan David ga di bi kooh waaninkpel Sɔɔl pu, kina le bi nan cha u gir Siklag aatiŋ ni. Kina pu na, David aa nan ter Filistia yaab butɔb ngbaan ni.

1 Bibɔrb Aabɔr 12:20

David aah nan gir cha aan bijab bi nan nyan Manase aanibol ni ki dii u na sɔ: Adna, ni Josabad, ni Jediael, ni Maikel, ni Josabad, ni Elihu, ni Siletai. Bi nan ye bijab ŋichur ŋichur aayidam le Manase aanibol ni.

Daniel 6:5

Le bi bui tɔb ke, “Taan ŋmaa kan nsan mu pu ti ga ŋmaa di galn Daniel na. Nsan mu diin na le ye waah dii Uwumbɔr aasan mu na.”

Jɔnn 19:6

Uwumbɔr aatotoorninkpiib ni baatutum aah kan u na, le bi teen ke, “Kpaa u ndɔpuinkoo pu, kpaa u ndɔpuinkoo pu.” Le Pailat bui bi, “Nimi nibaa kpaa u ndɔpuinkoo pu man. Maa kan waataani ubaa.”

Rom Yaab 12:17

Unii yaa ŋa si bakaa kan, taa teen u. Ni li ŋani ni ŋan na binib mɔmɔk aanimbil ni.

1 Piita 3:16

Ni li ŋani ni ŋan na n‑yoonn mɔmɔk, le naah dii Kristo mbamɔm ki kpa mbimbin mu ŋan na na, nima le ga cha inimɔɔn chuu binib bi sii nimi ki len nimi tibɔbir na.

1 Samuel 14:11

Le bi cha Filistia yaab ngbaan kan bi; le bi bui ke, “Lik man, Hiibru yaab bibaa le bi nyan ni ibuu i ponn ni bi bɔr na,”

1 Samuel 25:28

Maaninkpel, m gaŋ si ke aa di cha pinn mi taani umɔk m ŋa na. Uwumbɔr ga ŋa si ubɔr, ki di kpee aayaabitiib mu; ba pu? aa bi to waatɔb la, kaan ŋa tibɔbir tibaa n‑yoonn mumɔk aa bi limɔfal ponn ni na.

1 Samuel 27:1

Le David nan bui ubaa ke, “Daalbaadaal kan, Sɔɔl ga nan ku mi. Tiwan ni ŋan ke m ŋa na le ye ke m san buen Filistia yaab aatiŋ ni. Nima kan, Sɔɔl aan ki ban mi Israel aatiŋ ni, le m ga fuur.”

1 Samuel 27:7

David nan kal Filistia yaab aatiŋ pu ki ti saa iŋmal kipiik ni iloob la.

1 Samuel 29:6

Nima pu na, Akis nan yin David le ki bui u ke, “M puu Israel yaab Aawumbɔr u bi n‑yoonn mɔmɔk na ke aa kii tii mi mbamɔm, le ni ba ga li mɔ mi ke ni dii mi buen ki ti jan butɔb bue ni. Saah fuu ni do bundaln ki nan saa din wee na, maa kan saataani ubaa m ga ŋmaa di galn si. Tɔ, bibɔrb biken na aa kii tii si.

1 Samuel 4:6

Filistia yaab ŋun kifuuk ngbaan pu le ki bui ke, “Li pel man Hiibru yaab ngbaan aakakaa chee aah kpa kifuuk pu na. Naatataa ye kinye?” Baah bee ke Uwumbɔr Aakaal Aadakaa le fuu ni Hiibru yaab chee na,