1 Samuel 29:10 - Uwumbɔr aagbaŋ

¹⁰ Kina pu na, David, fen kichakpiik ni kan, nimi bi mɔmɔk san Sɔɔl chee ki dan m chee na ga fe fii mala ki gir, buyoonn ni laa bi wolni na.”

1 Samuel 29:10 ပူးပေါင်းရင်းမြစ်များ

Mpiin 22:14

Abraham nan yin nima chee ke, “Uwumbɔr le tii.” Ki nan saa din binib beenin len ke, “Uwumbɔr aajool paab le u tii.”

1 Bibɔrb Aabɔr 12:19

Manase aanibol ni aajab bibaa nan buen ti kpee David pu, buyoonn u ni Filistia yaab nan cha bi ti faa Ubɔr Sɔɔl butɔb na. Mbamɔn, Filistia aabɔrb nan san ijawaan ke nibaakan David ga di bi kooh waaninkpel Sɔɔl pu, kina le bi nan cha u gir Siklag aatiŋ ni. Kina pu na, David aa nan ter Filistia yaab butɔb ngbaan ni.

1 Bibɔrb Aabɔr 12:22

Iwiin mɔmɔk kan, bijab nan moo kpae David aajab pu la, le bi ti wiir ti nyaŋ.

1 Korenti 10:13

Naa kee kan ntɔŋ mu pɔɔ ki jer unibɔn mɔk aah kani pu na. Uwumbɔr ye mbamɔndaan, kaan cha ni kan ntɔŋ mu jer nimi na. Ni yaa kan ntɔŋ kan, u ga toor nsan tii nimi, ni nyaŋ ntɔŋ ngbaan. Nima le ni ga li kpa limɔr ntɔŋ ponn ni.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

1 Samuel 29:11

Kina pu le David ni waajab nan fii mala kichakpiik ni, ki gir cha Filistia yaab aatiŋ ni, le Filistia yaab buen Jesreel butɔb.