1 Samuel 28:8 - Uwumbɔr aagbaŋ

⁸ Le Sɔɔl kpeln waawanpeenkaan, ki di ni kaa ye ubɔr aawanpeenkaan na peen, le ki di waajab bilee buen bi ti kan upii ngbaan kinyeek. U nan ti bui upii ngbaan ke, “Baa bitekpiib tii mi aan ki bui mi tiwan ni ban ni ŋa na. Yin utekpiir u aayimbil m ga yin na.”

1 Samuel 28:8 ပူးပေါင်းရင်းမြစ်များ

1 Bibɔrb 22:30

Ahab nan bui Jehosafat ke, “Taah cha butɔb ni na, maan peen tibɔrwan, si ma li pee nnaan aawanpeenkaan.” Kina pu na, Israel yaab aabɔr aa nan pee nnaan aawanpeenkaan le ki ti koo butɔb ni.

1 Bibɔrb 22:34

Tɔ, Siria aaja ubaa aa nan nyi, le ki too waapiin le mu ti yun Ubɔr Ahab aajaak aabɔkul aah nab tɔb pu nin chee na. Le u teen tuk uja u ŋaal waataan aatɔroku na ke, “M kan titotonn a. Fenn aapuwɔb ki nya butɔb ni.”

1 Bibɔrb Aabɔr 10:13

Sɔɔl aah kaa nan dii Uwumbɔr mbamɔm na, le u nan kpo. U nan yii Uwumbɔr aakaal, le ki tee ban bitekpiib chee nsurm,

2 Bibɔrb Aabɔr 18:29

Ahab nan bui Jehosafat ke, “Taah cha butɔb ni na, maan peen tibɔrwan, aa ma li pee nnaan aawanpeenkaan.” Kina pu na, Israel yaab aabɔr aa nan pee nnaan aawanpeenkaan le ki ti koo butɔb ni.

2 Bibɔrb Aabɔr 35:22

Tɔ, Josia nan neen kijaak sakpen. U nan yii, kaa pel Uwumbɔr aah nan cha Ubɔr Neko len pu na, le ki ŋa ubaa ke nifam ubaa na, ki buen butɔb ni, Megido aatiŋ ki bi taar na pu.

Aisaya 8:19

Le binib ga bui nimi ke ni buen bibɔɔb, ni binyɔkdam, ni bipɔnijoob chee ki ti baa bi ke, “Ti ga ŋa kinye?” Bi ga len ke, “Ni ŋan ke binib li buu ibɔɔ ki baa lik bibaa pu.”

Jeremia 23:24

Ubaa aan ŋmaa bɔr mi m taa kan u. Naa nyi ke m bi paacham, ni kitiŋ ni, ni ni kookoo la aa?

Esekiel 12:6

Cha bi kan saah di saatuln buŋ aabɔgbiln pu pu na, ki poo biin aanimbil pu ki li cha mbɔmbɔɔn ni, kaa nyi saah cha nin chee na. Saah ga ŋa pu na le ye nsurm kpaan ki tii Israel yaab.”

Jɔnn 3:19

Uwumbɔr aah ga ji bi tibɔr pu na le ye ke nwiihn dan dulnyaa ni, le binib yii mu, le ki gee mbɔmbɔɔn ni; ba pu? baatuln aa ŋan.