1 Samuel 28:6 - Uwumbɔr aagbaŋ

⁶ Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.

1 Samuel 28:6 ပူးပေါင်းရင်းမြစ်များ

2 Samuel 22:42

Bi lik ban nterm, le ubaa mu aan gaa bi lii, bi yin Uwumbɔr, le waan gar bi.

Ilahn 74:9

Timi aawan nimɔk ye kitork aawan na buen a; saabɔnabtiib aa ki gur, le ubaa aa nyi nimina aah ga yunn ki ti saa pu na.

Nnyam 28:20

ki di litakpanyaan li bi yin li ke beril na, ni litakpanyaan li bi yin li ke kaneliann na, ni litakpanyaan li ye nkonyon, bi yin li ke jaspa na, ki di lur nanaa aakuul pu. Aa di ŋi mɔmɔk tam salmaa pu.

Nnyam 28:30

Aa di tiwan ni bi yin ni ke Urim ni Tumim na ki di ŋa kibiŋ aakekengeŋ ngbaan aakpalɔŋ ni, aan nima kan, Aaronn ga li joo ni n‑yoonn mu u ti dan nnimbiin ni na. N‑yoonn mumɔk u choo nnimbiin ni na kan, u li pee kibiŋ aakekengeŋ ngbaan, nima kan, u ga ŋmaa bee maageehn ki tuk Israel yaab.

Ŋiyataŋak 27:1

Taa li kpa kipupuk fen u ga woln na pu, saa nyi ni ga ŋa dandana wee ni n‑yoonn ngbaan aakaasisik ni na.

Jeremia 23:28

Ubɔnabr u daŋ tidaŋ na, u bui ke ni ye tidaŋ la, tɔ, ubɔnabr u m di maabɔr tuk u na, u moon ti mbamɔm. Imuul ni timoor aa kpaa.

Inandalahn 2:9

Ibisamɔi gur dɔ sub tibir ni, le yaakudɔ kool yuk yuk. Ubɔr ni bininyuum na gur bi tinaagbiir ni la. Ubaa aa ki mɔk binib Uwumbɔr Aakaal Aagbaŋ, le Uwumbɔr aa ki kpiir tibɔr tuk waabɔnabtiib.

Joel 2:28

“N‑yoonn mu choo na, m ga di Maafuur Nyaan di ŋa maanib mɔmɔk pu: nijapɔtiib ni nibisatiib ga nabr min Uwumbɔr aah len pu na; nimi aaninkpiib ga daŋ tidaŋ, le nimi aanachipɔm ga kan lijinjiir aawan.

Liifai Yaab 8:8

U nan di kibiŋ aakekengeŋ gbab u, le ki di tiwan ni bi yin ni ke Urim ni Tumim di ŋa ki ponn ni.

Maika 3:7

Binib bi nyi n‑yoonn mu choo na aabɔr ki nabr na ga ji inimɔɔn, baah kaan ki li nyi nibaa pu na pu. Uwumbɔr aah kaan gar bi pu na pu le bi ga kpaln binimɔɔnib.

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.

Nkahm 27:21

U ga li lik Eleasar u ye utotoor na le pu, uma Eleasar le ga di tiwan ni bi yin ni ke Urim ni Tumim na bee maah ban pu na, le ki mɔk Josua, ni Israel yaab mɔmɔk, baah ga li dii mi pu na.”

Matiu 1:20

Waah dakl tibɔr ngbaan kina na, le u kan Uwumbɔr aatuun ubaa tidaŋ ponn ni. Le Uwumbɔr aatuun ngbaan bui u, “Josef, Ubɔr David aayaabil, taa yii ke saan joo Mari u li ye aapuu; ba pu? Uwumbɔr Aafuur Nyaan le tii u lipuul ngbaan.

Jɔnn 9:31

Ti nyi ke Uwumbɔr aan ŋun titunwanbirdam aameen. Unii yaa dii Uwumbɔr ki ŋa Uwumbɔr aageehn kan, uma le Uwumbɔr ga ŋun waameen.

Ikaal 33:8

U nan ŋa Liifai yaab aanibol pu tinyoor ki bui ke, “Sin Uwumbɔr le di Urim ni Tumim aawan ni aa joo kpiir saageehn mɔk saanib na tii Liifai yaab bi ye saatutum bamɔm na. Sin le nan toŋ bi Masa aatiŋ ni, le ki lik baabimbin aah bi pu na Meriba aanyun chee.

Jemisi 4:3

Ni mee Uwumbɔr ke u tii nimi tiwan ni kaa ŋan u chee na, nima pu le naa kan. Ni mee u ki ban tiwan ni ga ku nimi aakpeek na la.

1 Samuel 14:37

Le Sɔɔl baa Uwumbɔr ke, “M ti tak Filistia yaab aa? Aa ga di linyaŋ ngbaan tii timi ii?” Tɔ, Uwumbɔr aa nan kii u liyaadaal ngbaan.

1 Samuel 28:15

Le Samuel baa Sɔɔl ke, “Ba ŋa aa muk mi kina? Ba ŋa aa cha m gir ni?” Le Sɔɔl kii u ke, “M bi limukl sakpeln ni la. Filistia yaab bi to mi butɔb la, le Uwumbɔr siir cha mi. Waa ki gar mi tidaŋ ponn ni, bee waabɔnabtiib chee. Kina pu le m yin si ke aa nan bui mi maah ga ŋa pu na.”

1 Samuel 28:5

Sɔɔl aah nan kan Filistia aajab na, le ijawaan chuu u sakpen.