1 Samuel 28:3 - Uwumbɔr aagbaŋ

³ Le Samuel nan kpo, le Israel yaab mɔmɔk nan wii waakpuul ki ti sub u udo aatiŋ Rama ni. Sɔɔl nan jenn nyan bibɔɔb, ni binib bimɔk joo inyɔk tun lituln na Israel ni.

1 Samuel 28:3 ပူးပေါင်းရင်းမြစ်များ

Nnyam 22:17

Tɔ, ni yaa ye ke upiibo ngbaan aate aa kii ke uja ngbaan yoor ubisal kan, see u pan upiibo ngbaan aate tichoowan ti ŋeer usapɔɔn u kaa nyi uja na aapal.

Nnyam 22:18

“Ni ku upii u jin nnyɔk ki joo ŋani iwaan aawan na.

Liifai Yaab 19:31

“Ni taa ban binib bi baa bitekpiib chee tibɔr na aasurm. Ni yaa ŋa kina kan, ni ga bii nibaa, kaan ki li bi chain. Min le ye Nidindaan Uwumbɔr.

Liifai Yaab 20:27

“Uja, bee upii umɔk ye ubɔɔ na kan, ni mae ŋitakpal ki ku udaan ngbaan, unii umɔk ŋa kina na le ku ubaa.”

Liifai Yaab 20:6

“Ubaa yaa buen bibɔɔb chee u ti ban nsurm bitekpiib chee kan, m ga daa utafal, waan ki li ye maanib ponn ni ubaa.

1 Samuel 15:23

Aa yaa yii waamɔb kan, ni ye titunwanbir ke kisook na la. Kigaak mu bir ke ŋiwaa aadoon na la. Saah yii Uwumbɔr aamɔb pu na, kina le u mu yii si, ke saan ki li ye ubɔr.”

1 Samuel 25:1

Samuel nan kpo, le Israel yaab mɔmɔk kuun dan nan wii waakpuul. Bi nan ti sub u udo aatiŋ Rama ni la. Nee aapuwɔb le David buen Parann aateersakpiin ni.

1 Samuel 28:9

Le upii ngbaan bui u ke, “Aa nyi gbingbin Ubɔr Sɔɔl aah ŋa pu na, waah jenn nyan bibɔɔb, ni binib bi joo inyɔk tun lituln na mɔmɔk Israel pu na. Ba ŋa aa ban aa ŋmann mi ke bi ku mi?”

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.