1 Samuel 28:15 - Uwumbɔr aagbaŋ

¹⁵ Le Samuel baa Sɔɔl ke, “Ba ŋa aa muk mi kina? Ba ŋa aa cha m gir ni?” Le Sɔɔl kii u ke, “M bi limukl sakpeln ni la. Filistia yaab bi to mi butɔb la, le Uwumbɔr siir cha mi. Waa ki gar mi tidaŋ ponn ni, bee waabɔnabtiib chee. Kina pu le m yin si ke aa nan bui mi maah ga ŋa pu na.”

1 Samuel 28:15 ပူးပေါင်းရင်းမြစ်များ

Ilahn 51:11

Taa jenn mi aanimbiin ni kookoo; taa chuu nyan Saafuur Nyaan m chee.

Ŋiyataŋak 14:14

Titunwanbirdam ga kan tiwan ni ŋeer bi na. Bininyaam mu ga kan baatun aapar.

Hosea 9:12

Tɔ, bi yaa ma mbim kan, m ga yoor bi mɔmɔk kaan gur ubaa. N‑yoonn mu m siir cha binib bee na kan, tibɔbir pam le ga kan bi.”

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Bibɔjirb 16:20

Delila nan teen mpɔɔn pu ke, “Samsonn, Filistia yaab choo.” U nan finn le ki dak usui ni ke, “M ga ti gaa mbaa lii ke maah ti ŋani pu na.” Waa nan nyi ke Uwumbɔr aa nan ki bi u chee.

1 Samuel 18:12

Sɔɔl nan gur san David ijawaan la; ba pu? Uwumbɔr nan siir cha uma Sɔɔl ki bi David chee.

1 Samuel 23:2

Kina pu le u baa Uwumbɔr ke, “M buen ti tak Filistia yaab aa?” Le Uwumbɔr bui u ke, “Een, ti tak bi, ki gaa Keila aatiŋ aanib lii.”

1 Samuel 23:4

Kina pu le David nan ki gir baa Uwumbɔr lelee, le Uwumbɔr bui u ke, “Buen ti tak Filistia aajab bi bi Keila ni na. M ga cha aa nyaŋ bi.”

1 Samuel 28:11

Le upii ngbaan baa u ke, “Ŋma aan aa ban ke m yin u tii si?” Le u bui u ke, “Samuel.”

1 Samuel 28:16

Le Samuel nan bui u ke, “Uwumbɔr yaa yii si ki kpaln saadin kan, ba ŋa aa baa mi saah ga ŋa pu na?

1 Samuel 28:6

Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.

1 Samuel 28:8

Le Sɔɔl kpeln waawanpeenkaan, ki di ni kaa ye ubɔr aawanpeenkaan na peen, le ki di waajab bilee buen bi ti kan upii ngbaan kinyeek. U nan ti bui upii ngbaan ke, “Baa bitekpiib tii mi aan ki bui mi tiwan ni ban ni ŋa na. Yin utekpiir u aayimbil m ga yin na.”

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.