1 Samuel 27:12 - Uwumbɔr aagbaŋ

¹² Akis nan tii David naadii sakpen, le ki bui ubaa ke, “David aanib Israel yaab aah nan u sakpen pu na, u ga li ye maatutunn ki ti saa waakun daal.”

1 Samuel 27:12 ပူးပေါင်းရင်းမြစ်များ

Mpiin 34:30

Le Jakob bui Simeonn ni Liifai ke, “Ni ban tibɔr tii mi; dandana wee, Kanaann yaab, ni Peris yaab, ni binib bimɔk bi kitiŋ kee ni na aan ki li gee timi aabɔr. Maajab aa wiir, nibaakan bi ga kpokl tɔb, ki dan nan lir ti pu ki ku ti mɔmɔk.”

2 Samuel 10:6

Amonn yaab nan bee ke bi ŋa David baadin, le bi buen Siria ki ti ban bijab ŋichur moninko, Bef Rehob ni Soba aatim ni, ki ban ŋichur kipiik ni ŋilee Tob aatiŋ ni, le ki ban Maaka aabɔr ni waajab lichur, ke bi ti jan tii bi aan bi pa bi.

Nnyam 5:21

Bi nan bui Moses ni Aaronn ke, “Uwumbɔr kan naah ŋa tiwan ni na, ki ga daa nitafal, nimi le cha ubɔr ni waaninkpiib nan timi. Nimi le tii bi nsan ke bi ku timi.”

1 Samuel 13:4

Israel yaab mɔmɔk nan ŋun ke Sɔɔl ku Filistia yaab aaninkpel, le Filistia yaab mɔmɔk nan gur nan bi. Kina pu le binib nan kii Sɔɔl aayim ngbaan, ki buen u chee Gilgal ni.

1 Samuel 27:11

David nan ku bi mɔmɔk, bijab, ni bipiib, le ubaa aan ŋmaa gir buen Akis chee, Gaf aatiŋ ni, ki ti len u ni waajab aah ŋa pu na. Kina le David nan ŋani n‑yoonn mumɔk u nan bi Filistia yaab aatiŋ ni na.

1 Samuel 28:1

Nee aapuwɔb, le Filistia yaab kuun baajab bi ti tak Israel yaab, le Akis bui David ke, “Aa bee ke aa ni saajab ga kpee m pu la.”