1 Samuel 27:10 - Uwumbɔr aagbaŋ

¹⁰ Akis ga ti baa u ke, “Aa buen ti binn la chee din wee?” Le David ga ŋmann u ki bui u ke u buen Juda aaŋangii wɔb la, bee Jerameel yaab aapepel, bee Kenn yaab aapepel la.

1 Samuel 27:10 ပူးပေါင်းရင်းမြစ်များ

Mpiin 27:24

le ki ki baa lelee ke, “Mbamɔn, Esɔ sil ye ee?” Le Jakob bui ke, “Min Esɔ ye.”

2 Samuel 17:20

Absalom aajab nan dan lidichal ngbaan ni le ki nan baa upii ngbaan ke, “Ahimaas ni Jonatann bi la chee?” Le u bui bi ke, “Bi puur Jɔɔdann aamɔɔl a.” Bijab ngbaan nan ban bi, le kaa kan bi, le ki gir kun Jerusalem ni.

1 Bibɔrb Aabɔr 2:25

Hesronn aajapɔpol Jerameel nan ma mbijabim muŋmu la. Baayimbil sɔ: Ram le nan ye upol, le Buna paa u pu, le Orenn, ni Osem, ni Ahija paa bi pu.

1 Bibɔrb Aabɔr 2:9

Hesronn nan ma mbijabim mutaa la. Baayimbil le nan ye Jerameel, ni Ram, ni Kaleb.

Ilahn 119:163

Maa gee ke m kan inyamɔn kpala, le ki tee gee saakaal ma.

Ilahn 119:29

Taa cha m yenn buen kinimbɔŋ wɔb, di saaŋann sakpenn mɔk mi saakaal.

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Nkahm 24:21

U nan ki kan Kenn yaab mu aabɔkpiirkaan, le ki nabr tibɔr timina: “Saanib aah ka nin chee, aan ni dak ke ni pɔɔ, ki bi ke unyoon aadil li bi lijool aamɔju pu na,

Efesusi 4:25

Nima pu na, ni taa ki mɔni inyamɔn. Ni mɔmɔk li len ibamɔn tɔb chee. Ti yaa ŋmanni tɔb kan, ni naahn ke tiwon aawan nibaa le aah ŋmanni niken na.

Bibɔjirb 1:16

Moses aachool, u nan ye Kenn aanii na aayaabitiib nan nyan Jeriko, kitiŋ ki ye ŋibɔkpal aatiŋ na ni, ki dii Juda aanib buen kitikuun ki bi Arad aatiŋ aaŋangii wɔb, Juda aapepel ni na, le ki ti kal Amalek yaab chee nima.

Bibɔjirb 4:11

N‑yoonn mue na, Kenn aanii Heber nan puen gaa waakeken aabool likpaln aasub bubaa taab, Sananim aatiŋ ki bi gbɔk Kedes aatiŋ na chee. U nan fii udo yaab biken, Hobab, u nan ye Moses aachiin na aayaabitiib chee.

Bibɔjirb 5:24

Upiiyinyaan daan le ye Jael u aachal ye Kenn aanii Heber na, uma le ye upiiyinyaan daan u koo ŋikeken aaboo ni na.

1 Samuel 15:6

U nan tun ti bui Kenn aanib, bi aayaajatiib nan ŋa Israel yaab tiŋann buyoonn bi nan nyan ni Ijipt ni na ke, “Nyan cha man Amalek yaab, aan m taa nan ku nimi kpee bi pu.” Le Kenn yaab ngbaan nyan cha bi.

1 Samuel 21:2

Le David bui u ke, “M bi do ubɔr aatuln pu la. U bui mi ke m taa cha ubaa li nyi waah tun mi ke m ti ŋa pu na. Maajab ma kan, m bui bi ke bi keln mi nibaa chee.

1 Samuel 23:27

Libuul ngbaan ni, le ntuun dan ki nan bui Sɔɔl ke, “Gir kun ni mala. Filistia yaab bi koo ni timi aatiŋ ni la.”

1 Samuel 27:11

David nan ku bi mɔmɔk, bijab, ni bipiib, le ubaa aan ŋmaa gir buen Akis chee, Gaf aatiŋ ni, ki ti len u ni waajab aah ŋa pu na. Kina le David nan ŋani n‑yoonn mumɔk u nan bi Filistia yaab aatiŋ ni na.

1 Samuel 29:8

David nan baa u ke, “Maaninkpel, m ŋa ba naa ŋan? Maaninkpel, u ye maabɔr na, aa len ke saa kan maataani ubaa ki nyan bundaln m fuu ni do ki nan saa din wee na; ni yaa ye mbamɔn kan, ba ŋa maan ŋmaa dii si ki buen ki ti faa saadim butɔb?”

1 Samuel 30:29

ni Rakal aatim aanib, ni Jerameel aamaal, ni Kenn yaab,