1 Samuel 27:1 - Uwumbɔr aagbaŋ

¹ Le David nan bui ubaa ke, “Daalbaadaal kan, Sɔɔl ga nan ku mi. Tiwan ni ŋan ke m ŋa na le ye ke m san buen Filistia yaab aatiŋ ni. Nima kan, Sɔɔl aan ki ban mi Israel aatiŋ ni, le m ga fuur.”

1 Samuel 27:1 ပူးပေါင်းရင်းမြစ်များ

1 Bibɔrb 12:26

U nan bui ubaa ke, “Naah bi pu dandana na, maanib yaa ki buen Jerusalem ni, bi ti toor kitork tii Uwumbɔr, Uwumbɔr Aadichal ni kan, bi ga fenn buen Juda yaab aabɔr Rehoboam chee le ki ga ku mi.”

1 Bibɔrb 12:28

Waah moo dakl ti lik na, le u di salmaa ŋa inaajabi ilee, le ki bui waanib ke, “Naah chaa Jerusalem pu ti dooni Uwumbɔr na, ni taa ki buen. Israel aanib, nimi aawaa ŋi nyan ni nimi Ijipt aatiŋ ni na sɔ.”

1 Bibɔrb 19:3

Elaija nan san ijawaan, le ki san; u nan di waatutunn buen Beerseba aatiŋ ki bi Juda aatiŋ pu na. U nan di waatutunn ngbaan lii nima,

2 Bibɔrb Aabɔr 25:17

Juda Aabɔr Amasia ni waasusurb nan kpokl Israel yaab pu. Le u tun Israel yaab Aabɔr Jehoas chee. Jehoas aate le nan ye Jehoahas, le uyaaja ye Jehu. U nan tun u chee ki ban kijaak la.

Ilahn 116:11

hali ijawaan aah nan joo mi aan m bui ke, “Taa ki tii ubaa naadii” na, m nan beenin mak u pu.

Ilahn 55:7

M ba ga fii buen dandar, ki ti maa maadichal nteersakpiin pu.

Nnyam 14:12

Taah nan ban ti nya na, taa nan tuk si ke kina ga ŋa aa? Ti nan tuk si ke aa cha ti li bi Ijipt yaab chee ki li ye baanaagbiib. Ti yaa ba ye binaagbiib kan, ni ba ga li soor ti pu ni taah ga kpo nteersakpiin mue ni fam pu na.”

Ŋiyataŋak 13:12

Limakl yaa ti doo kan, lipobil mu doo le na, le aa yaa dak tiwan pu aan ki kan ni kan, mmɔɔn ti ku si la.

Aisaya 51:12

Uwumbɔr bui ke, “Min le pɔɔk nitaakpab. Ba ŋa ni san unibɔn u ga kpo na ijawaan? Ba ŋa ni san unibɔn u ga kpo mala ke timoor na?

Nkahm 14:3

Ba ŋa Uwumbɔr joo timi cha kitiŋ ngbaan ni? Bi ga ku timi butɔb ni, ki chur tipuutiib ni timi aabim tinaagbiir. Ti yaa ba gir buen Ijipt aatiŋ ni kan, naa ba soor aa?”

Matiu 14:31

Libuul ngbaan ni le Yesu taln uŋaal ki chuu u, le ki bui u, “Saa gaa mi ki kii mbamɔm. Ba ŋa aa joo mi beeni?”

Tibɔnyaan ti Mak ŋmee ti na 4:40

Le u baa bi, “Ba ŋa ni san ijawaan? Naa kee gaa mi ki kii mbamɔm aa?”

2 Korenti 7:5

Tɔ, taah nan fuu Masedonia aatiŋ ni na, taa ŋmaa fuur. Ti nan kan limukl, ŋipepel mɔmɔk ni. Binib nan kpak timi kinikpakpak. Nimi aabɔr mu pu le ilandak nan joo timi.

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 16:13

Samuel nan yoor olif aakpan ki di kpir David aayil pu, ki kaan u nnaan, ukpetiib aanimbil ni. Libuul ngbaan ni le Uwumbɔr Aafuur nyaan gbiin David, ki cha u pɔɔk nyib, ki bi u chee ki joo cha. Le Samuel gir buen Rama ni.

1 Samuel 20:3

Le David kii u ke, “Aate nyi mbamɔm saah gee mi pu na, le ki yii kaan cha aa bee waalandak; ba pu? ni ga bii aasui sakpen. M puu Uwumbɔr u bi n‑yoonn mɔmɔk na ke ntaal libaa bi mbuu ni, le liken mu bi lipaal.”

1 Samuel 22:5

Le Uwumbɔr aabɔnabr Gad dan David chee ki nan bui u ke, “Taa li ka do. Li cha Juda aatiŋ ni mala.” Kina pu le David nyan nima ki buen Heref aachook ni.

1 Samuel 23:17

ki len ke, “Taa san ijawaan. Nte Sɔɔl aan ŋmaa ŋa si nibaa. U nyi gbingbin ke sin le ga ŋa Israel aabɔr, le m li paa aa pu.”

1 Samuel 25:30

Maaninkpel, Uwumbɔr yaa ŋa tiwanyaan nimɔk u puu ke u ŋa tii si, ki ŋa si Israel yaab aabɔr na kan,

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.

1 Samuel 29:2

Filistia aabɔrb biŋmu na nan di baajab ki nyan ni ŋigetek nkub nkub, ni ŋichur ŋichur la, le David, ni waajab, ni Ubɔr Akis ti paa puwɔb.

1 Samuel 29:3

Le Filistia aajab aaninkpiib kan bi, le ki baa ke, “Hiibru yaab bee bi do ŋani ba?” Le Akis bui ke, “Israel yaab Aabɔr Sɔɔl aajab aaninkpel David sɔ. U bi ni chee do, ni yunn pam. Waah fuu ni do bundaln ki nan saa din wee na, waa ŋa taani ubaa m ga ŋmaa di galn u.”