1 Samuel 26:7 - Uwumbɔr aagbaŋ

⁷ Le David ni Abisai koo Sɔɔl ni waajab aah dɔ nin chee na kinyeek ngbaan, ki ti kan Sɔɔl dɔ geen waajab aakaasisik ni, le waakpaatuŋ choo kitiŋ uyil chee. Abner ni bijab bi gur na nan dɔ goln u ki geen.

1 Samuel 26:7 ပူးပေါင်းရင်းမြစ်များ

Mpiin 45:19

Tii bi itaan ni tɔroku tiib bi ti yoor ni bipuutiib, ni mbim, ni bite, ki li joo ni bi.

1 Samuel 17:20

Lichakpitaawoln le David fii, ki di ipiih na ŋa unii ubaa aaŋaal ponn ni, ki yoor tijikaar ngbaan ki buen, ute Jese aah bui u pu na. Buyoonn Israel yaab nan ki cha bi ti lul butɔb ni, ki gbaa ikaa na, le David nan fuu bi chee.

1 Samuel 26:6

Le David baa Ahimelek, u ye Hef aanii na, ni Abisai u ye Joab aanaal aan bina ye Seruya na ke, “Ni ponn ni bilee bee, ŋma ga dii mi buen Sɔɔl ni waajab chee?” Le Abisai bui ke, “Min le ga buen.”

1 Samuel 26:8

Le Abisai bui David ke, “Uwumbɔr di saadin ŋa aaŋaal ni kinyeek kee. Cha m di ubaa aakpaatuŋ saa u tam kitiŋ nfum mubaa, maan ban muleler.”