1 Samuel 26:20 - Uwumbɔr aagbaŋ

²⁰ Taa cha bi ku mi kitiyayaŋ pu, ni daa Uwumbɔr chee na. Ba ŋa Israel yaab aabɔr dan ke u nan ku kibabr ke min na? Ba ŋa u tee mban ban mi ke maah ye timoor ni aanyoon le na?”

1 Samuel 26:20 ပူးပေါင်းရင်းမြစ်များ

Jeremia 16:16

Uwumbɔr nan ki bui ke, “M bi tun ban bijanbam pam ke bi nan chur binib bee la, le ki tun yin ni bikpam pam, ke bi nan tee mban ki taa taa nyan ni bi lijool, ni ligongoln mɔmɔk paab, ni titakpalunn ni.

Inandalahn 3:52

Maa tun maadim taani ubaa le bi pen gaawɔb chuu mi ke unyoon na.

Matiu 26:47

Waah laa bi len kina na, le Judas u ye waadidiliib kipiik ni bilee ponn ni ubaa na fuu ni. Le kinipaak dii u. Bi nan joo kijaak aajum ni jagbaali mam. Bi nan nyan ni Uwumbɔr aatotoorninkpiib ni Juu yaab aaninkpiib chee la.

Matiu 26:55

N‑yoonn ngbaan le u baa kinipaak ngbaan, “Ni joo kijaak aajum, ni ŋichakukul ni nan chuu mi ke maah ye ufifiir le na aa? M nan bi Uwumbɔr Aadichal ni iwiin mɔmɔk, ki tuk binib Uwumbɔr aabɔr, le naa chuu mi.

1 Samuel 2:9

Waanib bi dii u mbamɔm na, u kii baamɔfal, le bibiindam ma beer mbɔmbɔɔn ni. Uja aan ŋmaa di ubaa aapɔɔn kan linyaŋ.

1 Samuel 24:11

Lik, nte, lik saabɔkul aageln le m joo na. M ba ga ŋmaa ku si, le m tee gii nimina. Nima le ga ŋmaa mɔk si limɔkl ke maa si aa pu, kaa kpak si, ki mu aa ban m ku si. Aa bi tee mban ki ban mi ke aa ku mi, le maa kpaan ŋa si nibaa.

1 Samuel 24:14

Lik man Israel yaab aabɔr aah bi ban u ku tiwan ni na. Lik man waah bi san dii tiwan ni na. Libɔkpol aa? kibabr aa?

1 Samuel 24:15

Uwumbɔr ga ji timi aabɔr, le ki bee u aabɔr bii na. Cha u lik tibɔr ngbaan ponn ni, ki sil mpuwɔb, ki gaa mi lii.”

1 Samuel 25:29

Unii yaa tak si ki ban u ku si kan, Aadindaan Uwumbɔr le ga li kii si, ke uja aah kii waawangol pu na. Saadim ma kan, u ga mee bi ke uja aah joo waataaya too pu na la.