1 Samuel 26:19 - Uwumbɔr aagbaŋ

¹⁹ Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.

1 Samuel 26:19 ပူးပေါင်းရင်းမြစ်များ

Mpiin 44:18

Le Juda foor duun Josef chee le ki bui u ke, “Uninkpel, ŋaanii, ki cha m len aa chee tibɔr mbaa pu. Taa gee m pu liŋuul, aa ŋma ubɔrkpaan Faro la.

Mpiin 8:21

Uwumbɔr aah ŋun kitork ngbaan aanun na, le ni piir usui, le u bui ubaa ke, “Maan ki puun lii kitiŋ pu kina daalbaadaal, ki joo cha unibɔn aah ŋa pu na. M nyi ke unibɔn aah laa diin ki joo cha na, waalandak ye titunwanbir la. Din ki joo cha, maan ki bii tiwanfuurkaan mɔmɔk, ke maah ŋa pu n‑yoonn mue na.

2 Samuel 14:16

M nyi ke aa ga nan ŋun tii mi, ki gaa m ni njapɔɔn lii uja u ban u ku timi ki nyan timi Uwumbɔr aah tii waanib kitiŋ ki na ni.

2 Samuel 16:10

Le ubɔr ngbaan bui Abisai, ni ukpel Joab ke, “Nimina aa ye nimi aabɔr. Uwumbɔr le yaa bui u ke u li puuni lir m pu kan, ŋma kpa nsan ke u baa u waah ŋani pu na?”

2 Samuel 16:11

Le David ki bui Abisai ni waajab aaninkpiib bi gur na mɔmɔk ke, “Min mbaa aajapɔɔn le bi ban ke u ku mi na, kina pu na, ni ga ŋa kinye ki li kpa iwaan ke Benjaminn aamaal aanii li seei mi? Uwumbɔr le bui u ke u li puuni lir m pu; kina pu na, di cha u man, ki cha u li ŋani.

2 Samuel 20:19

Timi aatiŋ ye kitikpaan la; ki ye Israel aatiŋ ki bi suuna, ki kii tii ubɔr na. Ba ŋa aa ban aa bii ki? Aa ban aa bii doo tiwan ni ye Uwumbɔr yaan na la aa?”

2 Samuel 21:3

Kina pu le David kuun Gibeonn aanib, ki nan bui bi ke, “Ba aan m ga ŋmaa ŋa tii nimi? Taani u ti nan ŋa nimi na, le m ban m kuln u, aan ni mee Uwumbɔr aanyoor ŋa waanib pu.”

2 Samuel 24:1

Uwumbɔr nan ki gee Israel yaab pu liŋuul, le ki cha David ban tibɔr tii bi. Uwumbɔr nan bui u ke, “Li cha ki ti kahn Israel ni Juda aanib.”

1 Bibɔrb 22:22

Le Uwumbɔr baa mu ke, ‘Aa ga ŋa kinye?’ Le mu gar u ke, ‘M ga buen le ki ti cha Ahab aabɔnabr mɔmɔk mɔnn inyamɔn.’ Le Uwumbɔr bui ke, ‘Li cha ki ti ŋmann u. Aa ga ti ŋman.’”

1 Bibɔrb Aabɔr 21:1

Kinimbɔŋ nan ban tibɔr tii Israel yaab, kina le ki nan cha David ŋa nlandak ke u kahn waanib.

Ilahn 120:5

Ni chee aakookoon aa ŋan ke unii u koo Mesek ni, kaa ŋan ke unii u koo Kedar aanib chee na la.

Ilahn 20:4

U tii si saah ban pu na mɔmɔk, ki cha saalandak mɔmɔk ŋa saah ban pu na.

Ŋiyataŋak 30:10

Taa bii unaagbiija udindaan chee. Unaagbiija ngbaan ga nan puun lii aa pu, le aa ji falaa ti pu.

Aisaya 60:5

Aa ga kan nimina, le aasui piir chak chak. Aawon ga li gbaa aasui aah piir pu na pu. Bi ga li joo ni ŋitimbol aawangol ki nan tii si; ŋitimbol ngbaan aawangol ga puur nnyusakpem ki pii ni si.

Liifai Yaab 26:31

M ga bii nimi aatim doo, ki bii nin chee ni dooni ŋiwaa na, kaan gaa nimi aatork.

Nkahm 36:7

Israel aanii mɔmɔk aatiŋ ŋan ke ki bee linibol li ponn ni u nyan ni na la.

Nkahm 36:9

le kitiŋ kibaa aan nyan linibol libaa ni, ki buen liken wɔb. Le linibol mɔmɔk ga li beenin kpa laatiŋ, ki cha n‑yoonn mɔmɔk.

Rom Yaab 14:15

Aa yaa ji tijikaar ti kɔ aana aabo chee na, ki bii usui kan, naa ye ke aa gee u le cha aa ŋa kina. Kristo le nan kpo u pu. Aa taa ŋa u fam saajikaar pu.

Galantiya 5:12

Cha binib bi muk nimi lichakpangeei pu na lee nyan bibaa aajawan.

Ikaal 13:3

ni taa kii tii u. Naa kee dii ŋiwaa ngbaan. Nidindaan Uwumbɔr ban ke u di unii ngbaan tɔŋ nimi ki lik ke ni gee u nisui mɔmɔk ni aan naa gee u.

2 Timoti 4:14

Uchaa u bi yin u ke Aleksanda na nan ŋa mi bakaa sakpen. Tidindaan ga teen u waah tun bakaa pu na.

1 Samuel 18:10

Kitaak aah woln na, le tiyayaar ti nyan ni Uwumbɔr chee na fii Sɔɔl pu libuul ni, le u ŋma tijar udo ke uwaar na. David nan bi gbaa kibeek, ke waah ti ŋani pu iwiin mɔmɔk na, le Sɔɔl ka joo kikpaatuŋ uŋaal ni, le ki bui ubaa ke,

1 Samuel 24:9

ki bui u ke, “Ba ŋa aa ŋun binib bi tuk si ke m ban si ke m ku si na aabɔr?

1 Samuel 25:24

David aanimbiin ni, ki bui u ke, “Maaninkpel, m gaŋ si, pel m chee. Cha tibɔbir ngbaan li ye min yaan.

1 Samuel 27:1

Le David nan bui ubaa ke, “Daalbaadaal kan, Sɔɔl ga nan ku mi. Tiwan ni ŋan ke m ŋa na le ye ke m san buen Filistia yaab aatiŋ ni. Nima kan, Sɔɔl aan ki ban mi Israel aatiŋ ni, le m ga fuur.”