1 Samuel 26:10 - Uwumbɔr aagbaŋ

¹⁰ David nan ki len ke, “Uwumbɔr u bi n‑yoonn mu kaa kpa ndoon na pu, m nyi ke Uwumbɔr ubaa le ga ku Sɔɔl. Nibaakan ni ga nan li ye waakun la, bee u ga nan kpo butɔb ponn ni la.

1 Samuel 26:10 ပူးပေါင်းရင်းမြစ်များ

Mpiin 47:29

N‑yoonn mu u bee ke naan ki yunn u ga kpo na, le u yin ujapɔɔn Josef, le ki nan bui u ke, “Di aaŋaal ŋa ntaapaln taab ki puu tipuur ke saan cha maawon bee Ijipt aatiŋ ni do.

Job Aagbaŋ 14:14

Unibɔn yaa kpo kan, u ga ki ŋmaa gir ni limɔfal ni ii? Le m ma ga kiir n‑yoonn mu ŋan na; m ga kiir aan tibɔr aayoonn mue ti jer doo.

Job Aagbaŋ 14:5

Waamɔfal aafɔfɔk puun ŋaŋ dɔ ni daa, aa nyi iŋmal imɔk u ga li bi limɔfal ni na. Aa ŋaŋ ni siin, le ubaa aan ŋmaa kpeln ni.

Job Aagbaŋ 7:1

Unibɔn aamɔfal bi ke baah joo uja mpɔɔn kooni butɔb aatuln ni pu na la, ki naahn ŋŋaal aatuln li pɔɔ na,

Ilahn 37:10

Naan yunn le bibiindam ga wɔŋ; aa ga lik ban bi, ki mu aan kan bi;

Ilahn 37:13

Le Uwumbɔr ma laa bibiindam, ba pu? u nyi ke naan yunn le bi kuln.

Ilahn 94:23

U ga daa bitafal baabiin pu, ki kuln bi baatunwanbir pu; Tidindaan Uwumbɔr ga kuln bi.

Ulandaan 3:2

U siin timar aayoonn, le ki siin nkun mu aayoonn, tiwan aabum aayoonn bi la, le tiwan aaŋɔm mu aayoonn bi,

Tibɔnyaan ti Luk ŋmee ti na 18:7

Waah len ke u ga tii u waabamɔn pu na, Uwumbɔr aan tii waanib bi mee u n‑yoonn mɔmɔk nwiin pu ni kinyeek na baabamɔn aa? U ga taan aa?

Rom Yaab 12:19

Maanigeekaab, binib yaa ŋa nimi bakaa kan, ni taa teen bi. Cha Uwumbɔr le daa bitafal. Ni ŋmee Uwumbɔr Aagbaŋ ni ke Uwumbɔr len ke, “Min baanja le kpa nsan ke m daa binib aatafal. Min le ga teen bi.”

Ikaal 31:14

Uwumbɔr nan bui Moses ke, “Saan ki li bi ki yunn. Kina pu na, di Josua dan Maabool ni aan m nan mɔk u waatuln.” Le Moses ni Josua nan dii buen Libool ngbaan ni.

Ikaal 32:35

Le Uwumbɔr ga teen bi, ki daa bitafal. N‑yoonn choo, le bi ga nan lir; bundaal bi ga kuln na aa ki daa.

Hiibru Yaab 10:30

Ti nyi ke Uwumbɔr len ke uma le ga daa bitafal, uma le ga teen bi. U ki len ke u ga ji waanib tibɔr.

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.

Tibɔkpiirkaan 18:8

Nima pu le falaa ga pii kitiŋ ngbaan liwinbaal. Iweenbir, ni mpombiin, ni nkon ga lir ki pu. Le mmii ga gaa kitiŋ ngbaan mɔmɔk; ba pu? Tidindaan Uwumbɔr u dar kitafal na kpa mpɔɔn sakpen.”

1 Samuel 24:12

Uwumbɔr ga ji timi aabɔr ki lik u aabɔr bii na. Saah ŋani mi pu na, uma le ga daa aatafal; ba pu? maa ban m ŋa si nibaa kpala.

1 Samuel 24:15

Uwumbɔr ga ji timi aabɔr, le ki bee u aabɔr bii na. Cha u lik tibɔr ngbaan ponn ni, ki sil mpuwɔb, ki gaa mi lii.”

1 Samuel 25:26

Uwumbɔr le cha saa gee liŋuul ki ku saadim. Le m puu Uwumbɔr aayimbil pu dandana wee, ke saadim ni binib bimɔk ban bi tun si titunwanbir na, ni Nabal aatafadaan ga li kpaan la.

1 Samuel 25:38

Iwiin kipiik aah jer na, le Uwumbɔr faa ku u.

1 Samuel 25:39

David aah ŋun ke Nabal kpo na, le u bui ke, “Pak man Uwumbɔr. U teen Nabal waah seei mi pu, ki mu aa cha min waanaagbiija tun titunwanbir ti na pu. Uwumbɔr daa Nabal aatafal, waatunwanbir pu la.” Le David tun ti bui Abigail ke u mɔn u.

1 Samuel 31:4

Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.

1 Samuel 31:6

Kina le Sɔɔl, ni ujapɔtiib bitaa, ni unachipɔɔn ngbaan nan kpo; Sɔɔl aajab mɔmɔk nan kpo liyaadaal ngbaan.