1 Samuel 25:8 - Uwumbɔr aagbaŋ

⁸ Baa saapihkpaab, le bi ga bui si mbamɔn. Ti dan njim daal la, le David bui ke aa gaa timi mbamɔm. Ti gaŋ si ke aa tii timi saanaagbiib, ni aajɔnyaan David, saah ga ŋman pu na.”

1 Samuel 25:8 ပူးပေါင်းရင်းမြစ်များ

Esta 9:19

Nimina pu le Juu yaab bi koo itingbaan ni na ji njim, ki tii tɔb ipiin, ki kpa mpopiin, Adar aaŋmal aawiin kipiik ni inaa daal.

Esta 9:22

ba pu? iwiin ngbaan daal le Juu yaab nan nyaŋ baadim; uŋmal ngbaan le nan ye uŋmal u mpombiin ni itaakpayɔl kpaln mpopiin ni mmɔɔn na. U nan bui bi ke iwiin ngbaan daal kan, bi li ji njim ki tii tɔb tijikaar aapiin, ki tii binib bi ye bigiim na mu.

Ulandaan 11:2

Taa joo saawangol tii lipepel libaa baanja, li tii ŋipepel mɔmɔk, ba pu? saa nyi kinimbɔŋ ki aa ga kan dulnyaa wee ni na.

Tibɔnyaan ti Luk ŋmee ti na 11:41

Di naah kpa tiwan ni na tii bigiim, ki di nibaa mu tii bi. Ni yaa ŋa kina kan, tijɔŋ tibaa aan ki li bi ni chee.

1 Samuel 24:11

Lik, nte, lik saabɔkul aageln le m joo na. M ba ga ŋmaa ku si, le m tee gii nimina. Nima le ga ŋmaa mɔk si limɔkl ke maa si aa pu, kaa kpak si, ki mu aa ban m ku si. Aa bi tee mban ki ban mi ke aa ku mi, le maa kpaan ŋa si nibaa.

1 Samuel 25:9

David aajab nan di inaŋ yee ti tii Nabal, David aayimbil pu la, le ki si kii.

1 Samuel 3:6

Le Uwumbɔr ki yin Samuel lelee. Ubo ngbaan aa nan nyi ke ni ye Uwumbɔr la, ba pu? Uwumbɔr aa nan kee len u chee tibɔr daalbaadaal kina. Le u fii, ki ki buen Eli chee, ki ti bui u ke, “Saah yin mi na, le m dan.” Le Eli ki bui u ke, “Maabo, maa yin sin, li cha ti doon.”