1 Samuel 25:36 - Uwumbɔr aagbaŋ

³⁶ Abigail nan gir kun Nabal u nan bi ji njim mu ŋeer ubɔr aajim na chee la. U nan nyun ndaan ki gbii, le ni mɔ u. Kina pu le waa nan bui u tibaa ki ti saa kichakpiik ni.

1 Samuel 25:36 ပူးပေါင်းရင်းမြစ်များ

2 Samuel 13:23

Ŋibin ŋilee aah jer na, le Absalom nan bi chee waapiih aakor nin chee bi yin ni ke Baal Hasor, aan ni bi Efraim aatiŋ chee na, le ki yin ubɔr aajapɔtiib mɔmɔk ke bi dan nima.

2 Samuel 13:28

Le u sak waatutum ke, “Li lik Amnonn man, le u yaa ti nyun ndaan gbii, aan m tii nimi nsan kan, ni ku u. Ni taa san ijawaan. Ni ga li ye maabɔr la. Ni chuu nibaa ki taa joo beeni.”

2 Samuel 3:20

Abner aah di bijab moninko dan Hebronn na, David nan ŋa njim tii bi.

1 Bibɔrb 20:16

Butɔb ngbaan nan piin nwiin pu la, buyoonn Ben‑Hadad ni umaantɔtiib piitaa ni bilee na nan bi gbii ndaan baakeken aaboo ponn ni na.

Ilahn 112:5

Unii u pinn biken tiwan, kaa san ijawaan, kaa kpa beebee waatuln ni na kpa mpopiin.

Ŋiyataŋak 20:1

Lidanyul sakpen ŋani unii ujɔr ni kifuukdaan la. Lidanyul ye igbaan la.

Ulandaan 10:19

Njim tii si mpopiin le ndaan cha aa kpa nsuupiin, aa mu aan ŋmaa kan nimina kaa nya ŋimombil.

Aisaya 28:3

Bi ga taa taa bininkpiib bi ye bidagbiib ngbaan na aagaak ŋmal titan ni.

Aisaya 5:11

Nimi aadoon le na. Ni fii mala kichakpinaanyeek ni ki piin ndaan aanyum, ki nyu ki ti saa kijook ki nyu ki gbii.

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Hosea 4:11

Uwumbɔr bui ke, “Ndakpok ni ndapɔm le gaa maanib aalan.

Nahum 1:10

Nimi bidanyurb ga wu mmii ke ikokon i lɔk tɔb ni na, ni timokuun aah wu pu na la.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Tibɔnyaan ti Luk ŋmee ti na 14:12

Le Yesu bui Farisii yaab aaninkpel u yin u ke u dan nan ji tijikaar na, “Aa yaa ŋa njim kan, taa yin aajɔtiib, bee saamaal aanib, bee aanaabitiib, bee aaŋeen aatɔtiib bi ye biwankpadam na, ke bi dan nan ji; ba pu? bi mu ga ki yin si ke aa nan ji bi chee tijikaar ki teen.

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

Rom Yaab 13:13

Cha ti li bi mbamɔm, ke binib bi bi nwiihn ni na aah bi pu na, ki taa li ye bidanyurb, ki taa nyu ndaan ki gbii, ki taa gɔr kidagook, ki taa ŋani yɔl yɔl aatuln, ki taa jaa kijaak, ki taa li kpa lipiipoln.

Efesusi 5:14

Nima pu le ti gaa ilahn ke, “Si u dɔ geen na, finn aan ki fikr nkun ni, le Kristo ga li wiin aa pu.”

Efesusi 5:18

Ni taa nyu ndaan ki gbii man. Ndaan ga bii nimi la. Cha Uwumbɔr Aafuur Nyaan li gbii nimi n‑yoonn mɔmɔk,

1 Samuel 25:19

le ki bui waanaagbiib ke, “Loln m pu nsan, aan m li paa ni pu.” Waa nan tee tuk uchal tibaa.

1 Samuel 25:37

Le ndaan aah nyan unimbil ni na, le u tuk u ti mɔmɔk. Usui nan fii sakpen, le u lir, kaa ki ŋmaa ŋa nibaa.