1 Samuel 25:21 - Uwumbɔr aagbaŋ

²¹ David nan bi dak ke, “M nan tee ŋa kinye aan ki kii uja ngbaan aawan nteersakpiin ni? Waawan nibaa baanja aa nan wɔŋ, kina le u joo pa nterm mu m nan tii u na.

1 Samuel 25:21 ပူးပေါင်းရင်းမြစ်များ

Mpiin 44:4

N‑yoonn mu bi siir buen kaa foor kpala na, le Josef bui waanaagbiija ngbaan ke, “Ŋa mala ki san chuu bijab ngbaan, ki baa bi ke, ‘Ba ŋa ni di bakaa pan tiŋann?

Job Aagbaŋ 30:8

Maabitibaanidam bi kaa kpa ŋiyimbil na, bi nan jenn nyan bi kitiŋ ngbaan pu la.

Ilahn 35:12

Bi joo mbiin le pa mi maaŋann pu, le nsuubiin joo mi sunni cha taab.

Ilahn 37:8

Taa cha nsuubiin ni liŋuul aabɔr nyaŋ si; ni ga di si buen tibɔr ni la.

Ilahn 38:20

Binib bi joo mbiin pa tiŋann na bii maayimbil buyoonn m pɔɔni mbaa ke m li ŋani ni ŋan na.

Ŋiyataŋak 17:13

Aa yaa di titunwanbir pan tiŋann kan, titunwanbir aan ki nya saadichal ni daalbaadaal.

Jeremia 18:20

Tibir le bi joo pa tiŋann aa? Bi gbii libuul bil mi ke m nan lir li ponn ni. Teer maah nan dan aa chee ki nan gaŋ si bi pu ke aa taa daa bitafal saaŋuul ponn ni pu na.

Rom Yaab 12:21

Unii yaa ŋa si bakaa kan, taa cha bakaa ngbaan nyaŋ si. Cha tiŋann le nyaŋ bakaa.

Efesusi 4:26

Ni yaa gee liŋuul kan, ni taa cha nimi aaŋuul ngbaan tun titunwanbir. Ni taa li beenin joo liŋuul ngbaan nwiin ti lir,

Efesusi 4:31

Ni taa cha niponn ni li to tɔb pu; ni li nyani liŋuul nisui ni; ni taa li ŋmɔ tɔb pu tijar; ni taa li seei tɔb; ni taa cha kinanaŋ kibaa ki li bi ni chee.

1 Tesalonika 5:15

Ni taa cha unii ubaa teen uken waah ŋa bakaa u na pu. Pɔɔn nibaa man ki li ŋani tɔb, ni binib mɔmɔk tibulchinn, n‑yoonn mɔmɔk.

1 Piita 3:17

Ni yaa ye Uwumbɔr aageehn ke aa ji falaa litunyaan pu kan, ni soor ni aa ji falaa titunwanbir pu.

1 Piita 3:9

Binib yaa ŋa nimi bakaa kan, ni taa teen bi. Bi yaa sii nimi kan, ni taa sii bi ki teen. Ni bui bi ke, “Uwumbɔr ŋa tinyoor ŋa ni pu;” ba pu? Uwumbɔr yin nimi ke u ŋa tinyoor ŋa ni pu la.

1 Samuel 25:13

Le David bui bi ke, “Buu nimi aajaak aajum man.” Le bi mɔmɔk ŋa kina. David mu nan buu waajuk, le u ni bijab ikui inaa siir, ki cha ikui ilee, bi li kii baawan.

1 Samuel 25:15

Bi mu nan ŋa timi tiŋann pam. Baa nan muk timi, le n‑yoonn mumɔk ti nan bi bi chee timoor ni na, timi aawan nibaa aa nan wɔŋ.

1 Samuel 25:20

U nan dik waabon pu cha, le ki ti ban u pɔr lisapɔl libaa ligongoln pu, le ki kpaan ton David ni waajab choo tok ni u.

1 Samuel 25:7

U ŋun ke aa bi chee saapiih aakur, le u ban ke aa li nyi ke saapihkpaab nan bi ti chee, le taa nan ŋa bi taani ubaa. Ubaa aa nan sun baawan nibaa n‑yoonn mumɔk bi nan bi Kamel na.