1 Samuel 25:18 - Uwumbɔr aagbaŋ

¹⁸ Abigail nan ŋa mala ki ban ŋiboroboro kpin ikui ilee, ni ŋisubil aadaan aadabuu ŋilee, ni baah pun ipiih i na iŋmu, ni njikaabim mu bi ken na kuruwaa kipiik ni bilole, ni ndaan aasubil ŋisab nkub, ni ŋisubimɔɔn ŋi dab tɔb na ikui ilee, ki di buu paan ibon pu,

1 Samuel 25:18 ပူးပေါင်းရင်းမြစ်များ

2 Samuel 16:1

David aah sunn lijool ngbaan siib na, le u kpaan kan Mefibosef aatutunn Siba nsan ni. U nan joo ibon i tu ŋiboroboro kpin ikui ilee na, ni ndaan aasubil ŋi kuur na aabon nkub, ni ŋisubil ŋi soon na mu aabon nkub, ni ndaan aalook ki gbii ndaan na.

1 Bibɔrb Aabɔr 12:40

Binib nan nyan ni Isakar, ni Sebulunn, ni Naftali aanibol ŋi bi ŋŋangan wɔb dandar na, ki joo ni tijikaar ti ye n‑yon, ni ŋikakan, ni ŋisubil ŋi bi den ŋi aan ŋi kuur na, ni ŋisubil aadaan, ni olif aakpan, ibon, ni laakumii tiib, ni tiwakor ti naahn ibon na, ni inaa pu, nan tii bi. Bi nan ki joo ni inaa ni ipiih ke bi nan li kɔr ŋmɔ. Kitiŋ ngbaan mɔmɔk aanib aapopiin mu bi nan kpa na, le bi nan joo mɔk na.

Ŋiyataŋak 18:16

Aa ban ke aa kan uninyuun aa? Tii u ipiin, le naan ki li pɔɔ.

Ŋiyataŋak 21:14

Ubaa yaa gee aa pu liŋuul, aan aa bɔr ki tii u ipiin kan, i ga sɔŋ waaŋuul.

Ŋiyataŋak 31:12

N‑yoonn mumɔk u bi na kan, u ŋani u ni ŋan na la, kaa ŋani u ni kaa ŋan na.

Matiu 5:25

“Aa ni unii yaa kpa tibɔr, u ban u di ti buen kooti ni kan, chuu utaal mala aan ni taa kee fuu nima, u taa di si ŋa ubɔjir aaŋaal ni, ubɔjir mu taa di si ŋa kiyondiik aaninkpel aaŋaal ni, ke u di si ŋa kiyondiik ni.

1 Samuel 17:17

Daalbaadaal le Jese bui David ke, “Yoor tiwankenkaan kuruwaa kipiik nee, ni ŋiboroboro kpin kipiik ŋee, ki san mala buen aakpetiib chee, baah bi nin chee butɔb ni na,

1 Samuel 25:17

Nimina ga ŋmaa tii timi aaninkpel ni waadichal tibɔbir. U kpa mbiin sakpen, kaa ban u ŋun tii ubaa.”

1 Samuel 25:34

Uwumbɔr le cha maa ŋa si nibaa. M tee puu Israel yaab Aawumbɔr u bi kaa kpa ndoon na pu, ke aa yaa kaa ba san mala ki ton mi nsan pu kan, Nabal aajab mɔmɔk ba ga kpo kitaak aa kee woln.”