1 Samuel 25:17 - Uwumbɔr aagbaŋ

¹⁷ Nimina ga ŋmaa tii timi aaninkpel ni waadichal tibɔbir. U kpa mbiin sakpen, kaa ban u ŋun tii ubaa.”

1 Samuel 25:17 ပူးပေါင်းရင်းမြစ်များ

2 Samuel 24:13

le Gad buen u chee, ki ti bui u Uwumbɔr aah len pu na, le ki baa u ke, “Aa gee nilani? Aa ban nkon lir saatiŋ pu ŋibin ŋitaa, bee iŋmal itaa ponn ni, nimi aadim li san dii nimi, bee iwiin itaa aaween lir saatiŋ pu? Tɔ, dakl lik, ki bui mi saah ban ke ni ŋa na, aan m ti bui Uwumbɔr.”

1 Bibɔrb 21:10

ki ban bibiindam bibaa aan bi nan len unimbil ni ke u puun lii Uwumbɔr ni ubɔr mɔmɔk pu. Ni yaa ŋa kina kan, ni di u nya kitiŋ ngbaan ni, ki ti yur ŋitakpal ku u.”

1 Bibɔrb 21:13

Bibiindam bilee ngbaan nan fii sil binib ngbaan mɔmɔk aanimbil ni, ki len ke u puun lii Uwumbɔr ni ubɔr mɔmɔk pu, kina pu le bi nan di u nyan kitiŋ ngbaan ni n‑gbaan ki yur ŋitakpal ku u.

2 Bibɔrb Aabɔr 13:7

Puwɔb le u di nifam bi kaa bi tibaa ni na, le bi di baageehn tii Solomonn aajapɔɔn Rehoboam u nan par kaa nyi waah ga ŋa pu ki giin bi kaan na.

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

Esta 7:7

Le ubɔr di liŋuul nyii fii, ki nyan kidiik ngbaan ni, ki nyan lipaal ki ti koo libɔrchiln ni. Hamann nan bee ke ubɔr ban u daa utafal tibɔr ngbaan pu la, le ki gaar puwɔb ke u gaŋ Ubɔrpii Esta aan u gaa waamɔfal lii.

Ŋiyataŋak 12:8

Aa yaa kpa ichiin kan, aa ga kan kipak; aa yaa ye ulatiir kan, binib ga lik seen si.

Ikaal 13:13

nibaakan ni ga ŋun ke titunwanbirdam bi ye nido yaab na mu ŋmann binaabitiib kitiŋ ki ponn ni bi bi na, le ki cha bi dooni ŋiwaa, ŋiwaa ŋi naa kee doon ŋi na,

Bibɔjirb 19:22

Bi nan bi ji ki mɔɔni, le bininsum bibaa nyan ni kitiŋ ni ki nan kpaan gob lidichal ngbaan ti ton ki gbaa jaaleŋ. Bi nan bui ujaninkpel ngbaan ke, “Nyan ni uja u ba dii si kun ni na. Ti ban ti doon u chee la.”

1 Samuel 10:27

Le nifam bibaa bui ke, “Umina ga ŋmaa ŋa ba tii timi?” Bi nan lik seen Sɔɔl, le kaa tii ni u ipiin ibaa. Le Sɔɔl aa len tibaa.

1 Samuel 2:12

Eli aajapɔtiib nan ye bibiindam la. Bitafal aa nan bi Uwumbɔr ni,

1 Samuel 20:7

U yaa bui si ke, ‘Tɔ, ni ŋan’ kan, m ga li kpa limɔfal. U yaa gee liŋuul kan, aa ga bee ke u sil ban u ku mi la.

1 Samuel 20:9

Jonatann nan bui u ke, “Taa dak kina aawan pu. M yaa ba sil nyi ke nte sil ban u ku si kan, m ba ga bui si.”

1 Samuel 25:16

Bi nan kii timi nwiin pu ni kinyeek, n‑yoonn mumɔk ti nan bi bi chee ki kpaa ipiih ngbaan na. M gaŋ si, dakl lik tibɔr ngbaan ki ŋa saah ban pu na.

1 Samuel 25:18

Abigail nan ŋa mala ki ban ŋiboroboro kpin ikui ilee, ni ŋisubil aadaan aadabuu ŋilee, ni baah pun ipiih i na iŋmu, ni njikaabim mu bi ken na kuruwaa kipiik ni bilole, ni ndaan aasubil ŋisab nkub, ni ŋisubimɔɔn ŋi dab tɔb na ikui ilee, ki di buu paan ibon pu,

1 Samuel 25:25

M gaŋ si, taa pel maabitibaani daan Nabal ngbaan. U sil ye waayimbil aatataa aah ye pu na la, ke ujɔr. Maaninkpel, maa ba bi nima le saanaagbiib dan.