1 Samuel 24:11 - Uwumbɔr aagbaŋ

¹¹ Lik, nte, lik saabɔkul aageln le m joo na. M ba ga ŋmaa ku si, le m tee gii nimina. Nima le ga ŋmaa mɔk si limɔkl ke maa si aa pu, kaa kpak si, ki mu aa ban m ku si. Aa bi tee mban ki ban mi ke aa ku mi, le maa kpaan ŋa si nibaa.

1 Samuel 24:11 ပူးပေါင်းရင်းမြစ်များ

2 Samuel 1:14

Le David baa u ke, “Aa kaar kinye ki ti ku ubɔr u Uwumbɔr lee u na?”

2 Bibɔrb 5:13

Waatutum nan buen u chee le ki ti bui u ke, “Uninkpel, Uwumbɔr aabɔnabr ngbaan yaa ba bui si ke aa ŋa tiwanpɔɔl nibaa le kan, kina aa ba ŋa ni. Tɔ, ba ŋa saan ŋmaa buen ki ti finn aabaa waah bui si pu na ki pɔɔk?”

Job Aagbaŋ 10:16

hali m yaa kan tinyoor kan, see aa taa taa chuu mi ke uchinn na; le ki kpaan tun lijinjiir aatun ke aa di tii mi titotonn.

Ilahn 119:161

Bipɔɔndam joo inyamɔn i kaa kpa tataa na le tak mi, le mma pak saakaal.

Ilahn 140:11

Taa cha binib bi geei inyamɔn paani biken na kan baah ban pu na; cha tibɔbir lir binib bi aabimbin pɔɔ na pu ki kuln bi.

Ilahn 35:7

Maa ŋa bi nibaa, le bi tee pen mi gaawɔb, ki gbii libuul li nyoo na bil mi.

Ilahn 59:3

Uwumbɔr, lik baah dɔ kii mi pu ke bi ku mi na; bibiindam le bi kuuni ki ban mi. Naa ye ke m tun titunwanbir, bee taani ubaa la,

Ilahn 7:5

kina kan, aa cha maadim li san dii mi ki chuu mi, cha bi chɔi chɔi mi ki ku mi, ki cha m kpo doon kitiŋ.

Ŋiyataŋak 15:1

Ngarm mu bi suuna na sɔŋni liŋuul la, le mmɔpɔɔn aagarm fiini liŋuul.

Inandalahn 4:18

Bidim nan bi lik ban timi; le taa nan ti ki ŋmaa chuun kitiŋ ponn ni. Timi aayoonn nan doo; timi aamɔfal nan kuln.

Esekiel 13:18

ki bui bi Bidindaan Uwumbɔr aah tuk bi pu na: “Bipiib, nimi aamɔfal junn a. Ni ŋal inyɔk aaŋaagaal tii unii mɔmɔk, ki ŋani inyɔk aayibubuur tii bi ke bi li joo buu aan ki li kpa binib biken aamɔfal pu mpɔɔn. Ni ban ke ni li kpa limɔfal ni nkun aapɔɔn maanib pu, ki li joo kina kani nimi aanyoor.

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Jɔnn 15:25

Bi nan timi kina ke ni gbiin Uwumbɔr Aagbaŋ aah len pu na ke, ‘Bi po nan mi fam la, naa ye ke m ŋa bi nibaa.’

1 Samuel 12:3

Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”

1 Samuel 18:27

David ni waajab nan buen ti ku Filistia aajab ikui ilee la. U nan joo ni, ki nan kahn binimbiin ni aawan aagban ngbaan ubɔr aanimbiin ni, ke u kpaln ubɔr aachool. Kina pu na, Sɔɔl nan di ubisal Mikal tii David.

1 Samuel 23:14

David nan bɔr nteersakpiin mu duun Sif, ŋigongon aatiŋ ponn ni na la. Sɔɔl nan pɔɔni ubaa n‑yoonn mɔmɔk ke u kan u, le Uwumbɔr aa nan di David ŋa uŋaal ni.

1 Samuel 23:23

Bee man libuul li ni chob u bɔr na, ki gir nan tuk mi man mala. Le m ni nimi dii buen, le u yaa beenin bi nima kan, m ga tee mban kan u. Hali ni yaa ye ke m ban u Juda aatiŋ mɔmɔk ni kan, m ga ban kan u.”

1 Samuel 25:28

Maaninkpel, m gaŋ si ke aa di cha pinn mi taani umɔk m ŋa na. Uwumbɔr ga ŋa si ubɔr, ki di kpee aayaabitiib mu; ba pu? aa bi to waatɔb la, kaan ŋa tibɔbir tibaa n‑yoonn mumɔk aa bi limɔfal ponn ni na.

1 Samuel 26:18

le ki ki len ke, “Maaninkpel, ba ŋa aa beenin san dii mi saatutunn? M ŋa ba? Ba aatunwanbir m tun?

1 Samuel 26:20

Taa cha bi ku mi kitiyayaŋ pu, ni daa Uwumbɔr chee na. Ba ŋa Israel yaab aabɔr dan ke u nan ku kibabr ke min na? Ba ŋa u tee mban ban mi ke maah ye timoor ni aanyoon le na?”

1 Samuel 26:23

Uwumbɔr le tii binib bi kpa gaakii ki dii u mbamɔn na ipiin. Din wee u di si ŋa ŋŋaal ni, le maa ŋa si nibaa; ba pu? Uma Uwumbɔr le lee si ki ŋa si ubɔr.