1 Samuel 23:9 - Uwumbɔr aagbaŋ

⁹ David aah ŋun ke Sɔɔl bi kpokl ke u nan tak u na, le u bui utotoor Abiatar ke, “Li joo ni tiwan ni bi joo beer Uwumbɔr aageehn na do.”

1 Samuel 23:9 ပူးပေါင်းရင်းမြစ်များ

1 Bibɔrb 2:26

Le Ubɔr Solomonn bui utotoor Abiatar ke, “Gir kun saakpaakon ni, Anatof aatiŋ ni. Aa ŋeer nkun, m mu aan cha bi ku si dandana, ba pu? ni ye ke sin le nan yeh Uwumbɔr Aakaal Aadakaa, nte David chee, le aa ni uma nan kpaan jin waabɔbir mɔmɔk aafalaa.”

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Nkahm 27:21

U ga li lik Eleasar u ye utotoor na le pu, uma Eleasar le ga di tiwan ni bi yin ni ke Urim ni Tumim na bee maah ban pu na, le ki mɔk Josua, ni Israel yaab mɔmɔk, baah ga li dii mi pu na.”

Lituln 14:6

Le Yesu aakpambalb ŋun baah ban bi ŋa bi pu na, ki san ŋmar, ki buen Listra aatiŋ ni, ni Debe aatiŋ ni, ni itingbaan i bi nima na. Listra aatiŋ, ni Debe aatiŋ mɔmɔk bi Likonia aapepel ni la.

Lituln 9:24

Idaa mɔmɔk, kinyeek ni nwiin pu, le bi ka kii kitiŋ ngbaan aagoln aabisamɔb chee, ke Sɔɔl yaa nan nyan ni kan, bi chuu u ki ti ku u. Le Sɔɔl ŋun baah kpokl pu na.

1 Samuel 10:22

le bi baa Uwumbɔr ke, “Waa kee fuu ni ii?” Le Uwumbɔr bui bi ke, “Sɔɔl le ti bi do wɔb na; u bɔr ŋitun aapuwɔb.”

1 Samuel 14:18

Sɔɔl nan bui Ahija u nan ye utotoor na ke, “Li joo ni tiwan ni bi joo beer Uwumbɔr aageehn na do.” Tɔ, liyaadaal ngbaan Ahija nan joo ni tiwan ngbaan ki loln Israel yaab aajab pu nsan.

1 Samuel 22:20

Ahimelek aajapɔɔn Abiatar ma nan san ŋmar, ki buen David chee,

1 Samuel 23:10

Le David bui ke, “Uwumbɔr, Israel yaab Aadindaan, m ŋun ke Sɔɔl bi kpokl ke u dan Keila ki nan bii ki, min saanaagbiija pu la.

1 Samuel 23:6

Tɔ, Ahimelek aajapɔɔn Abiatar aah nan san ŋmar ki buen David chee na, u nan joo tiwan ni bi joo beer Uwumbɔr aageehn na ubaa chee.

1 Samuel 23:8

Le u yin waajab ke bi buen butɔb, ke bi buen Keila ki ti loon David ni waajab.

1 Samuel 30:7

Le u bui utotoor Abiatar, u ye Ahimelek aajapɔɔn na ke, “Ti li joo ni tiwan ni bi joo beer Uwumbɔr aageehn na,” Le Abiatar ti joo ni ni.