1 Samuel 22:7 - Uwumbɔr aagbaŋ

⁷ Le u bui waaninkpiib ke, “Li pel man, Benjaminn aajab. Ni dak ke David ga ŋmaa tii nimi ikpaakon, ni ŋisubil aasui aasar, ki ŋa nimi bininkpiib waajab ni ii?

1 Samuel 22:7 ပူးပေါင်းရင်းမြစ်များ

2 Samuel 18:1

Ubɔr David nan kuun waajab mɔmɔk nan kpaan, le ki yakr bi ŋigetek lichur lichur, ni nkub nkub, ki tii bi bininkpiib,

2 Samuel 20:1

Kinifaŋ kibaa nan nyan ni Benjaminn aanibol ni, ki ye Bikri aajapɔɔn, le ki bi Gilgal ni, le bi yin u ke Seba. U nan pii kakaan ki bui ke, “Taa ban David. Taan dii u. Israel aajab, cha ti kun man.”

1 Bibɔrb 12:16

Binib ngbaan aah ti bee ke ubɔr aan ŋun tii bi na, le bi teen mpɔɔn pu ke, “David mu ni waadichal. Bi kee ŋa ba tii timi? Israel yaab, cha ti kun man. Cha Rehoboam joo ubaa aadichal man.” Kina le Israel aanib nan yakr

1 Bibɔrb Aabɔr 12:16

Bijab nan nyan ni Benjaminn ni Juda aanibol ni, ki buen David aah nan bi nin chee bi kii mbamɔm na.

Aisaya 11:1

Baah gaa busub lii aan ibonpɔɔn ki kpenn pu na, kina le ubɔrkpaan David aamaal ponn ni bi. Ubɔrkpaan pɔɔn ga ki nyan ni David aayaabitiib ni.

Aisaya 11:10

Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

1 Samuel 18:14

ki kani linyaŋ tiwan nimɔk u ŋa na ponn ni; ba pu? Uwumbɔr nan bi u chee.

1 Samuel 20:27

Kitaak aah woln na, nwiin mu paa Uŋmapɔɔn aajim aawiin pu na, ubaa aa nan ti ki ka David aakakaa ni. Le Sɔɔl baa Jonatann ke, “Ba ŋa David aa dan nan jin fen na, ni din wee mu?”

1 Samuel 20:30

Sɔɔl aaŋuul nan fii Jonatann pu sakpen, le u bui u ke, “Ubɔnbo wee. Dandana wee m bee ke aa si David aapuwɔb la, le ki bi jinni aabaa ni aana ngbaan inimɔɔn.

1 Samuel 22:13

Le Sɔɔl baa u ke, “Ba ŋa aa ni David bi kpokl ban mi? Ba ŋa aa nan tii u tijikaar, ni kijaak aajuk, ki baa Uwumbɔr tii u? U fenn ban mi la, ki kii nsan mu u ga di ku mi na la.”

1 Samuel 22:9

Doeg nan si nima, Sɔɔl aaninkpiib chee, le ki bui ke, “M nan kan David, waah nan buen Ahitub aajapɔɔn Ahimelek chee, Nob aatiŋ ni pu na.

1 Samuel 25:10

Le Nabal nan bui bi ke, “David aa? U ye ŋma? Maa kee ŋun u pu daalbaadaal. Kitiŋ kee gur gbii binaagbiib bi san na iwiin ilelee yee pam.