1 Samuel 22:6 - Uwumbɔr aagbaŋ

⁶ Daalbaadaal le Sɔɔl nan bi Gibea aatiŋ ni, ki ka busub bubaa taab, ligongoln paab, ki joo waakpaatuŋ uŋaal ni. Waaninkpiib mɔmɔk nan si gob u. Unii ubaa nan bui u ke bi kan David ni waajab.

1 Samuel 22:6 ပူးပေါင်းရင်းမြစ်များ

Mpiin 21:33

Beerseba aanyunbun ngbaan chee le Abraham nan ŋum busub bu aafar aa gbaar n‑yoonn mɔmɔk na, le ki doon Tidindaan Uwumbɔr u bi kaa kpa ndoon na.

Bibɔjirb 4:5

U nan ŋmaa kaa libɔkpal aasub bubaa taab la. Busub ngbaan nan bi Rama aatiŋ ni Betel ki bi ŋigongon aatiŋ ki ye Efraim aanibol aatiŋ na aakaasisik ni la, le Israel aanib chaa u chee nima, ki ti toor baabɔr.

1 Samuel 14:2

Sɔɔl nan bi ŋisubil aasub bubaa taab, Migronn aatiŋ ki bi gbɔk Gibea na ni. Bijab ikui iloob le nan bi u chee.

1 Samuel 18:10

Kitaak aah woln na, le tiyayaar ti nyan ni Uwumbɔr chee na fii Sɔɔl pu libuul ni, le u ŋma tijar udo ke uwaar na. David nan bi gbaa kibeek, ke waah ti ŋani pu iwiin mɔmɔk na, le Sɔɔl ka joo kikpaatuŋ uŋaal ni, le ki bui ubaa ke,

1 Samuel 19:9

Daalbaadaal, le tiyayaar ti nyan ni Uwumbɔr chee na fii Sɔɔl pu. U nan ka waadichal ni, ki joo kikpaatuŋ uŋaal ponn ni. Le David mu bi nima, ki gbaa kibeek.

1 Samuel 20:33

Sɔɔl aah ŋun kina na, le u too Jonatann kikpaatuŋ ke u ku u, le Jonatann bee ke ute sil ban u ku David la.

1 Samuel 31:13

le ki yoor baakpab ki ti sub busub bubaa taab, kitiŋ ngbaan ni, ki lul bumɔb ti saa iwiin ilole.