1 Samuel 22:5 - Uwumbɔr aagbaŋ

⁵ Le Uwumbɔr aabɔnabr Gad dan David chee ki nan bui u ke, “Taa li ka do. Li cha Juda aatiŋ ni mala.” Kina pu le David nyan nima ki buen Heref aachook ni.

1 Samuel 22:5 ပူးပေါင်းရင်းမြစ်များ

2 Samuel 23:14

N‑yoonn ngbaan na, David nan bi ligongoln li bi kii li mbamɔm na le pu, le Filistia aajab bibaa nan ti gaa Betlehem aatiŋ.

2 Samuel 24:11

Le Uwumbɔr bui waabɔnabr Gad u nan bi David aayoonn ngbaan na ke, “Li cha ti tuk David ke maah ga daa utafal pu na, m ga cha u lee ntafadaan mutaa ponn ni, ki ga ŋa u waah lee pu na.” David aah nan finn kitaak ki ki woln na,

1 Bibɔrb Aabɔr 11:16

N‑yoonn ngbaan na, David nan bi ligongoln li bi kii li mbamɔm na le pu, le Filistia aajab bibaa nan ti gaa Betlehem aatiŋ.

1 Bibɔrb Aabɔr 21:9

Le Uwumbɔr bui waabɔnabr Gad u nan bi David aayoonn na ke,

1 Bibɔrb Aabɔr 29:29

Ubɔr David aanaan aah piin ki ti doo pu na aabɔr bi Uwumbɔr aabɔnabr bitaa bimina, Samuel, ni Natann, ni Gad aah nan ŋmee pu na ni.

2 Bibɔrb Aabɔr 29:25

Ubɔr ngbaan nan dii isan i Uwumbɔr nan di tii waabɔnabtiib Gad ni Natann ke bi di tii Ubɔr David na. Gad le nan ye unii u joo Uwumbɔr aabɔr nabr tii ubɔr ngbaan na. Ubɔr Hesekia nan ban Liifai yaab siin Uwumbɔr Aadichal ni, le bi joo tibar ni ichayakrtuun,

Ilahn 63:1

Uwumbɔr, sin le ye Maawumbɔr, le m neen si. Nsui, ni nwon mɔmɔk ban si ke kitiŋ ki kuur, ki laa itiween, kaa kpa nnyun na aah ban nnyun pu na la.

1 Samuel 22:4

Le David cha ute ni una bi Moab aabɔr chee, le bi bi nima ki ti saa n‑yoonn mumɔk David nan bɔr kitakpaluŋ ngbaan ni na.