1 Samuel 22:4 - Uwumbɔr aagbaŋ

⁴ Le David cha ute ni una bi Moab aabɔr chee, le bi bi nima ki ti saa n‑yoonn mumɔk David nan bɔr kitakpaluŋ ngbaan ni na.

1 Samuel 22:4 ပူးပေါင်းရင်းမြစ်များ

2 Samuel 24:11

Le Uwumbɔr bui waabɔnabr Gad u nan bi David aayoonn ngbaan na ke, “Li cha ti tuk David ke maah ga daa utafal pu na, m ga cha u lee ntafadaan mutaa ponn ni, ki ga ŋa u waah lee pu na.” David aah nan finn kitaak ki ki woln na,

2 Samuel 8:2

Le u ki nyaŋ Moab yaab mu. U nan cha waah chur bi tinaagbiir na doon kitiŋ, le u ti nyan binib bitaa ponn ni bilee ki ku bi. Kina pu le Moab yaab gur tun tii u, ki pa lampoo tii u.

1 Bibɔrb Aabɔr 11:16

N‑yoonn ngbaan na, David nan bi ligongoln li bi kii li mbamɔm na le pu, le Filistia aajab bibaa nan ti gaa Betlehem aatiŋ.

1 Bibɔrb Aabɔr 12:16

Bijab nan nyan ni Benjaminn ni Juda aanibol ni, ki buen David aah nan bi nin chee bi kii mbamɔm na.

1 Bibɔrb Aabɔr 21:9

Le Uwumbɔr bui waabɔnabr Gad u nan bi David aayoonn na ke,

1 Bibɔrb Aabɔr 29:29

Ubɔr David aanaan aah piin ki ti doo pu na aabɔr bi Uwumbɔr aabɔnabr bitaa bimina, Samuel, ni Natann, ni Gad aah nan ŋmee pu na ni.

2 Bibɔrb Aabɔr 29:25

Ubɔr ngbaan nan dii isan i Uwumbɔr nan di tii waabɔnabtiib Gad ni Natann ke bi di tii Ubɔr David na. Gad le nan ye unii u joo Uwumbɔr aabɔr nabr tii ubɔr ngbaan na. Ubɔr Hesekia nan ban Liifai yaab siin Uwumbɔr Aadichal ni, le bi joo tibar ni ichayakrtuun,

Nehemia 6:11

Le m gar u ke, “Maa ye uja u aaboln san ki ti bɔrni na. Aa dak ke m ga san ti bɔr Uwumbɔr Aadichal ponn ni ke m ŋmar aa? Maan ŋa kina kpala.”

Ilahn 11:1

M tii Uwumbɔr aah kii mi pu na naadii. Ni ye kijɔrk le ke aa bui mi ke, “Fii ke unyoon na ki ti bɔr ŋijoo paab,

Matiu 10:23

Bi yaa ŋa nimi falaa kitiŋ kibaa ni kan, ni san buen kitiŋ kiken ni. M tuk nimi mbamɔn la, buyoonn min Unibɔn Aabo ga nan gir ni na, naan kee bɔ dii Israel yaab aatim mɔmɔk ni, ki doo.

1 Samuel 22:3

David nan nyan nima ki buen Mispa aatiŋ ki bi Moab yaab aapepel ni na, le ki ti bui Moab aabɔr ke, “M gaŋ si ke aa cha nte ni nna dan nan li bi aa chee, ki ti saa n‑yoonn mu m ga bee Uwumbɔr aah ban u ŋa mi pu na.”

1 Samuel 22:5

Le Uwumbɔr aabɔnabr Gad dan David chee ki nan bui u ke, “Taa li ka do. Li cha Juda aatiŋ ni mala.” Kina pu le David nyan nima ki buen Heref aachook ni.