1 Samuel 22:2 - Uwumbɔr aagbaŋ

² Binib bi nan bi limukl ni na, ni binib bi aasui nan bii aan bilan ŋmal na mu nan buen u chee. Binib bi nan buen u chee na ga nan li pii bijab ikui inaa, le u ŋa baayidaan.

1 Samuel 22:2 ပူးပေါင်းရင်းမြစ်များ

2 Samuel 17:8

Aa nyi ke aate David ni waajab ye bijab bi kpa lipobil na la, ki ki nyi ke bi bir ke baah chuu kipeewanbiik ki aabo na la. Aate ye uja u nyi butɔb aabɔr na la, le waa doo waajab chee kinyeek.

2 Samuel 5:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

2 Bibɔrb 20:5

ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

2 Bibɔrb 4:1

Ukpopii u nan ye Uwumbɔr aabɔnabr bibaa ponn ni ubaa aapuu na nan buen Elaisa chee ki ti bui u ke, “Uninkpel, nchal kpo a. Aa nyi ke u nan ye unii u san Uwumbɔr na la. Tɔ, u nan joo uja ubaa aapɔln, le u dan ke u nan yoor njapɔtiib bilee na ti teen lipɔln ngbaan, aan bi ti li ye waanaagbiib.”

Ŋiyataŋak 31:6

Ndaan ye binib bi bi kpoi na aawan la, ni binib bi bi kinimbaak ni na.

Matiu 11:12

Buyoonn Jɔnn nan fuu ni ki nan saa dandana na, le binib aanimbil man ke bi ti koo Uwumbɔr aanaan ni, le ki koo mpɔɔn pu.

Matiu 11:28

“Nimi bimɔk tun lituln ki ti bak na, dan m chee man, le m ga tii nimi lifuur.

Hiibru Yaab 2:10

Uwumbɔr u nan naan tiwan mɔmɔk ki joo ni mɔmɔk na, ni ŋeer u ke u cha Yesu ji falaa, ki li joo ni Uwumbɔr aabim bi wiir na waanaan ni. Uma le gaa bi lii. Waah ji falaa pu na, nima le cha u ye timi aaŋmaŋmardaan bamɔnn.

Bibɔjirb 11:3

Jefta nan san ute aabim chee, le ki ti koo Tob aatiŋ ni. Nima chee le u ti kan maabitibaanidam bibaa, le bi ni uma chuun dii.

Bibɔjirb 18:25

Dann aanibol aajab ngbaan nan bui ke, “Aa yaa kaa ban ke aa fiin bijab bimina aaŋuul ke bi tak nimi kan, aa taa ki len tibaa. Ni yaa kaa ye kina kan, aa ni saadichal mɔmɔk ga kpo,”

1 Samuel 22:3

David nan nyan nima ki buen Mispa aatiŋ ki bi Moab yaab aapepel ni na, le ki ti bui Moab aabɔr ke, “M gaŋ si ke aa cha nte ni nna dan nan li bi aa chee, ki ti saa n‑yoonn mu m ga bee Uwumbɔr aah ban u ŋa mi pu na.”

1 Samuel 23:13

Kina pu le David ni waajab mɔmɔk, bi nan ye ikui iloob na, nyan Keila libuul ngbaan ni, ki cha. Sɔɔl aah ŋun ke David ni waajab san ŋmar na, le u di cha waalandak ngbaan.

1 Samuel 25:13

Le David bui bi ke, “Buu nimi aajaak aajum man.” Le bi mɔmɔk ŋa kina. David mu nan buu waajuk, le u ni bijab ikui inaa siir, ki cha ikui ilee, bi li kii baawan.

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.

1 Samuel 9:16

“Fen kinakokoona, m ga fe tun ni uja ubaa aa chee. U nyan ni Benjaminn aanibol ponn ni la. Toor u ki di u kaan nnaan, u li joo maanib Israel yaab. Le u ga gaa bi Filistia yaab chee lii. M kan maanib ngbaan aafalaa, ki ŋun baah wii pu ki ban nterm na.”