1 Samuel 22:10 - Uwumbɔr aagbaŋ

¹⁰ Ahimelek nan baa Uwumbɔr tii David, le ki tii u tijikaar, ni Filistia aanii Goliaf aajaak aajuk na.”

1 Samuel 22:10 ပူးပေါင်းရင်းမြစ်များ

Nkahm 27:21

U ga li lik Eleasar u ye utotoor na le pu, uma Eleasar le ga di tiwan ni bi yin ni ke Urim ni Tumim na bee maah ban pu na, le ki mɔk Josua, ni Israel yaab mɔmɔk, baah ga li dii mi pu na.”

1 Samuel 10:22

le bi baa Uwumbɔr ke, “Waa kee fuu ni ii?” Le Uwumbɔr bui bi ke, “Sɔɔl le ti bi do wɔb na; u bɔr ŋitun aapuwɔb.”

1 Samuel 21:10

Le David nan siir, ki san ke u ŋmar Sɔɔl chee, ki ti fuu Gaf aatiŋ Aabɔr Akis chee.

1 Samuel 22:11

Le Sɔɔl tun yin ni utotoor Ahimelek, ni waamaal mɔmɔk, bi nan ye bitotoorb ki bi Nob aatiŋ ponn ni na, le bi dan u chee.

1 Samuel 22:13

Le Sɔɔl baa u ke, “Ba ŋa aa ni David bi kpokl ban mi? Ba ŋa aa nan tii u tijikaar, ni kijaak aajuk, ki baa Uwumbɔr tii u? U fenn ban mi la, ki kii nsan mu u ga di ku mi na la.”

1 Samuel 22:15

Een, m baa Uwumbɔr tii u. Nima le aa ye kina aabaan baanja mu m baa tii u na. Ki joo cha ni bukpokl ki ban si na ma kan, Mpɔɔndaan, taa galn mi, bee maadichal ponn ni ubaa. Maa nyi tibaa ki joo cha kina wɔb.”

1 Samuel 23:12

Le David ki baa u ke, “Keila aanib ga di min ni maajab tii Sɔɔl aa?” Le Uwumbɔr bui u ke, “Een, bi ga di nimi tii.”

1 Samuel 23:2

Kina pu le u baa Uwumbɔr ke, “M buen ti tak Filistia yaab aa?” Le Uwumbɔr bui u ke, “Een, ti tak bi, ki gaa Keila aatiŋ aanib lii.”

1 Samuel 23:4

Kina pu le David nan ki gir baa Uwumbɔr lelee, le Uwumbɔr bui u ke, “Buen ti tak Filistia aajab bi bi Keila ni na. M ga cha aa nyaŋ bi.”

1 Samuel 30:8

David nan baa Uwumbɔr ke, “M paan binib bi nan binn kitiŋ kee na pu uu? M ga chuu bi ii?” Uwumbɔr nan kii u ke, “Paan bi pu; aa ga chuu bi ki gaa baah chur bi na.”