1 Samuel 21:9 - Uwumbɔr aagbaŋ

⁹ Ahimelek nan kii u ke, “M kpa Filistia aanii Goliaf, u aa nan ku u Ela Aafataŋ ni na le aajaak aajuk do. Ki poo likekeln ni, ki tii tab utotoor aabɔkul na aapuwɔb. Aa yaa gee ki kan, yoor ki, kima baanja le bi do.” Le David bui u ke, “Di ki tii mi. Kibaa aa ki bi nibaa chee ki jer ki.”

1 Samuel 21:9 ပူးပေါင်းရင်းမြစ်များ

1 Samuel 17:2

Sɔɔl ni Israel yaab mu nan ti kuun kal Ela Aafataŋ ni la, ki gor kii ke bi ni Filistia yaab jan.

1 Samuel 21:8

Le David baa utotoor na Ahimelek ke, “Saa kpa kikpaatuŋ, bee kijaak aajuk kibaa do ki tii mi ii? Ubɔr aatun ngbaan aah bir sakpen pu na, m nan gee woween, le kaa ŋmaa yoor maajawan nibaa.”

1 Samuel 22:10

Ahimelek nan baa Uwumbɔr tii David, le ki tii u tijikaar, ni Filistia aanii Goliaf aajaak aajuk na.”

1 Samuel 31:10

Bi nan di waajawan bil baawaapii Astaate aawaadiik ni, le ki di uwon kpaa tam Bef Sann aatiŋ aagoln pu.