1 Samuel 21:7 - Uwumbɔr aagbaŋ

⁷ Sɔɔl aanaakpaaninkpel, u bi yin u ke Doeg na, aan u nyan Edom aatiŋ ni na, nan bi nima liyaadaal ngbaan; ba pu? u nan bi nima u toor ubaa nsan mu u dii na pu la.

1 Samuel 21:7 ပူးပေါင်းရင်းမြစ်များ

Mpiin 26:20

Gerar aatiŋ aapihkpaab nan tak Aisak aapihkpaab, nnyunbun ngbaan pu, le ki bui ke, “Timi le yeh nnyunbun ngbaan.” Nima le cha Aisak nan yin nnyunbun ngbaan ke, “Kijaak.”

2 Bibɔrb Aabɔr 26:10

U nan ki maa kina aadir timoor ni, le ki gbii inyunbun pam. Waah nan kpa tiwakor sakpen liwilir wɔb aajoo ŋi bi ŋijoosakpiin taab na ni pu na, le nan cha u ŋa kina. Waah nan gee tikpaar pu na, le u nan pɔɔk waanib aataakpab ke bi ŋum ndaan aasubil aasui ŋigongon aatim ni, ki ko tisar ntim mu nyuun na ni.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Liifai Yaab 22:10

“See unii u ye utotoor aamaal ni aanii na le ga ŋmaa ji ipiin aatork aajikaar ti bi chain na; unii yayan aan ŋmaa ji ti, hali unii yaa ye uchaan le ki koo utotoor chee, bee waatutunn kan, waan ŋmaa ji ti.

Liifai Yaab 22:13

Tɔ, utotoor aabisal u ye ukpopii, bee u nyan uchal do kaa kpa ubo, ki gir kun ni ute u ye utotoor na do, ki ji waamaal chee na, uma le ga ŋmaa ji ute aah gaal utotoor aajikaar ti na. Utotoor aamaal ŋmeen aanii le ga ŋmaa ji tijikaar ngbaan.

Liifai Yaab 24:5

Ni ban n‑yon kuruwaa kipiik ni bilee ki ŋa boroboro kpin kipiik ni ŋilee.

Liifai Yaab 24:8

N‑yoonn mu choo na mɔmɔk, Likpaakool daal mɔmɔk kan, ni ban boroboro kpin pɔɔn ki di paan teebul pu, Uwumbɔr aanimbiin ni. Israel yaab aatuln le na n‑yoonn mɔmɔk.

Amos 8:5

Ni bui nibaa ke, “Taan ŋmaa kiir ke iwinyaan daal ti jer waahr aan ti nin kooh timi aajikaar. Bayoonn aan likpaakool aawiin ga doo, aan ti ki piin ki kooh timi aawan, ki cha ti tii kidaak ki pɔɔ na, ki di tiwaŋaŋkaan ni kaa ye nibamɔnn na di ŋaŋ ki ji biwandaab?

Matiu 15:8

‘Binib ngbaan pak Uwumbɔr bumɔb ni la. Bisui daa u chee.

1 Samuel 11:5

Sɔɔl nan laa nyan ni kisaak ki joo waanaa choo kun ni la, le ki baa ke, “Ba ŋa? Ba ŋa unii mɔmɔk wii?” Le bi bui u ntuuntiib bi nyan ni Jabes na aah len pu na.

1 Samuel 14:47

Sɔɔl aah nan jin Israel aanaan aapuwɔb na, u ni waadim ŋipepel mɔmɔk nan to tɔb butɔb la: u ni Moab yaab, ni Amonn yaab, ni Edom yaab, ni Soba aabɔrb, ni Filistia yaab nan to tɔb butɔb. Nimɔk u nan ti jan na kan, uma le nan nyaŋni bi.

1 Samuel 21:8

Le David baa utotoor na Ahimelek ke, “Saa kpa kikpaatuŋ, bee kijaak aajuk kibaa do ki tii mi ii? Ubɔr aatun ngbaan aah bir sakpen pu na, m nan gee woween, le kaa ŋmaa yoor maajawan nibaa.”

1 Samuel 22:10

Ahimelek nan baa Uwumbɔr tii David, le ki tii u tijikaar, ni Filistia aanii Goliaf aajaak aajuk na.”

1 Samuel 22:22

Le David bui u ke, “Maah nan kan Doeg nima chee liyaadaal ngbaan na, m nan bee ke u ga ti bui Sɔɔl. Kina pu na, min pu le bi ku aado yaab mɔmɔk.

1 Samuel 22:9

Doeg nan si nima, Sɔɔl aaninkpiib chee, le ki bui ke, “M nan kan David, waah nan buen Ahitub aajapɔɔn Ahimelek chee, Nob aatiŋ ni pu na.