1 Samuel 21:12 - Uwumbɔr aagbaŋ

¹² Baaliin ngbaan nan koo David aasui ni pam, le u gur san Ubɔr Akis ijawaan.

1 Samuel 21:12 ပူးပေါင်းရင်းမြစ်များ

Mpiin 26:7

Bijab bi nan bi Gerar aatiŋ ni na aah nan baa u upuu aabɔr na, le u nan bui bi ke u ye uninkpan la. Waa kii ke u bui bi ke upuu le na; ba pu? u nan san ijawaan ki dak ke bi yaa bee ke upuu ye kan, bi ga ku u, ki yoor upuu Rebeka, waanyaan pu.

Ilahn 119:11

M joo saakaal nsui ni, ke m taa tun si titunwanbir.

Ilahn 34:4

M mee Uwumbɔr, le u gar mi, u nyan mi maajawaan mɔmɔk ni.

Ilahn 56:3

Uwumbɔr Mpɔɔnsakpiindaan, buyoonn ijawaan ti joo mi na le m kpa aa pu gaakii.

Tibɔnyaan ti Luk ŋmee ti na 2:19

Mari le teer tibɔr timina mɔmɔk, ki dakl lik taatataa usui ni.

Tibɔnyaan ti Luk ŋmee ti na 2:51

Le u dii bi ki gir Nasaref aatiŋ ni, le ki kii bimɔi. Le una joo tibɔr timina mɔmɔk usui ni.

1 Samuel 18:7

Baah nan bi ŋani kina na, le bi nan gaa ilahn ke, “Sɔɔl ku ŋichur la, le David ma ku ŋichur kipiik kipiik.”

1 Samuel 21:10

Le David nan siir, ki san ke u ŋmar Sɔɔl chee, ki ti fuu Gaf aatiŋ Aabɔr Akis chee.

1 Samuel 21:13

Kina pu na, n‑yoonn mu bi ti bi u chee na kan, u ŋmanni le ke uyil le aah bii na. Le bi yaa ban bi ŋmin u kan, u ŋani ke waah ye uwaar le na, le ki ŋmee tiwan yɔl yɔl jaaleŋ mam pu, le timɔɔtan puu dii ulangbaln ki lir kitiŋ.