1 Samuel 20:5 - Uwumbɔr aagbaŋ

⁵ Le David bui u ke, “Fen le fe ye Uŋmapɔɔn Aajim, le ni ŋan ke m ji mu ubɔr chee. Ni yaa ga li ŋan aa chee kan, m ga buen ti bɔr ikpaakon ponn ni, ki ti saa daalpu aajook.

1 Samuel 20:5 ပူးပေါင်းရင်းမြစ်များ

2 Bibɔrb 4:23

Le uchal baa u ke, “Ba ŋa aa ban aa buen din wee? Naa ye Likpaakool daal, kaa ye Uŋmapɔɔn Aajim aayoonn mu.” Le u gar u ke, “Taa cha ni muk si.”

Ilahn 55:12

Ni yaa ba ye ke maadin le laa mi kan, m ba ga ŋmaa joo ti; ni yaa ba ye ke unii u kpak mi na le bi kpa kipupuk kan, m ba ga ŋmaa di mbaa bɔr.

Ilahn 81:3

Pii kakaan njim ngbaan pu, uŋmapɔɔn aayoonn, ni uŋmapiin aayoonn.

Ŋiyataŋak 22:3

Bilandam waa tibɔr aah choo pu na le ki minn ti, le ujɔr ma ga koo ti ni, le ki nan ki bi wii.

Amos 8:5

Ni bui nibaa ke, “Taan ŋmaa kiir ke iwinyaan daal ti jer waahr aan ti nin kooh timi aajikaar. Bayoonn aan likpaakool aawiin ga doo, aan ti ki piin ki kooh timi aawan, ki cha ti tii kidaak ki pɔɔ na, ki di tiwaŋaŋkaan ni kaa ye nibamɔnn na di ŋaŋ ki ji biwandaab?

Nkahm 10:10

Ni yaa ti ki ye nimi aapopiin aayoonn, mu ye Uŋmapɔɔn aajim, ni nimi aatoorkpaan aajim muken na kan, buyoonn ni ban ke ni toor kitork ki bi joo seer mmii ni na, ni kimɔbaan aatork tii mi na, ni pii kakaan tiib ngbaan, le m ga ter nimi. Min le ye Nidindaan Uwumbɔr.”

Nkahm 28:11

Uŋmal aajan aawiin daal kan, ni toor kitork ki ni ga di see mmii ni na tii Uwumbɔr. Naah ga di tiwakor ti toor na sɔ: inaajabi ilee, ni upihja, ni libiln libaa aapihjabi ilole, i mɔmɔk taa li kpa iween, ki li ŋan.

Jɔnn 8:59

Le bi yoor ŋitakpal bi ti mae u. Le u miln ki nyan Uwumbɔr Aadichal ni.

Lituln 17:14

Libuul ngbaan ni, le Yesu aanib cha Pɔɔl siir buen ki dii nsan mu cha nnyusakpem aagbaan na. Sailas ni Timoti ma nan bee Berea aatiŋ ni.

Kolosiya 2:16

Nima pu na, ni taa cha ubaa galn nimi tijikaar aakoobil pu, bee tiwanyukaan aakoobil pu, bee likpaakool daal aakoobil pu.

1 Samuel 19:2

le ki bui u ke, “Nte ban u ku si la. Fe li kii aabaa kichakpiik ni. Buen ti bɔr mbɔbɔr mubaa ni, ki li bi nima.

1 Samuel 20:18

Le Jonatann bui u ke, “Fen aah fe ye Uŋmapɔɔn aajim na, aa yaa kaa fe bi kan, bi ga bee.

1 Samuel 20:19

Le daalpu kan, ni ga moo nyaŋ. Kina pu na, li cha saah nan bɔr nin chee na, ki bɔr ŋitakpakpuk na aapuwɔb.

1 Samuel 20:24

Le David buen ti bɔr ikpaakon ngbaan ponn ni. Uŋmapɔɔn aajim aayoonn, le Ubɔr Sɔɔl buen ti kal tijikaar chee,

1 Samuel 20:27

Kitaak aah woln na, nwiin mu paa Uŋmapɔɔn aajim aawiin pu na, ubaa aa nan ti ki ka David aakakaa ni. Le Sɔɔl baa Jonatann ke, “Ba ŋa David aa dan nan jin fen na, ni din wee mu?”

1 Samuel 20:4

Le Jonatann bui ke, “M ga ŋa saah ban pu na mɔmɔk.”

1 Samuel 20:6

Aate yaa bee ke maa bi njim ngbaan aayoonn kan, bui u ke m mee aa chee nsan ke m san mala kun Betlehem, ke ni ŋeer timi aadichal aabiln aatork nima chee.