1 Samuel 20:30 - Uwumbɔr aagbaŋ

³⁰ Sɔɔl aaŋuul nan fii Jonatann pu sakpen, le u bui u ke, “Ubɔnbo wee. Dandana wee m bee ke aa si David aapuwɔb la, le ki bi jinni aabaa ni aana ngbaan inimɔɔn.

1 Samuel 20:30 ပူးပေါင်းရင်းမြစ်များ

Job Aagbaŋ 5:2

Aa yaa ka dak ke ubaa aatafal aa bi aa ni ki ti kpo kan, ni ye kijɔrk, ni maa‑kpa‑lan aawan le ke unii ŋa.

Ŋiyataŋak 14:29

Aa yaa bi suuna kan, aa kpa nlan, tɔ, saaŋuul yaa fiir mala mala kan, aa mɔk binib saah ye ugbaan pu na la.

Ŋiyataŋak 15:2

Binib bi kpa nlan na yaa len tibɔr kan, bi moo tii nlan kinyaan la, le bigbaam ma aabɔr punni kijɔrk.

Ŋiyataŋak 19:12

Ubɔr aaŋuul naahn uchinn aah ŋuuni pu na la, le u yaa san si kinimbaak kan, ni naahn unaalantaal.

Ŋiyataŋak 19:19

Unii aasui yaa pɔɔ kan, cha u kan kina aapar. Aa yaa nyan u tibɔr ni nfum mubaa kan, aa ga ki gir nyan u lelee.

Ŋiyataŋak 21:24

Mɔk mi kalmbaanidaan aan m mɔk si ke u ye nnimpoodaan, ni balaadaan, ni maa‑lik‑faar‑daan la.

Ŋiyataŋak 25:28

Aa yaa kaa ŋmaa chur saaŋuul kan, aa naahn lidichal li bi maa li kaa maa ŋigon gob li na la.

Ŋiyataŋak 27:3

Litakpal ni litambol aah nyuun pu na aan ŋmaa ŋaŋ tibɔr ti kijɔrk ga ŋmaa ban na.

Matiu 5:22

Min le tuk nimi ke unii umɔk gee liŋuul una aabo pu na, bi ga ji u tibɔr. Unii umɔk tuk una aabo, ‘Saa bi tibɔr tibaa ni,’ bibɔjirb aaninkpiib ga ji u tibɔr. Unii umɔk tuk una aabo ke, ‘Si ujɔr’ na, u ŋeer u koo mmii mu kaan junn na ni.

Efesusi 4:31

Ni taa cha niponn ni li to tɔb pu; ni li nyani liŋuul nisui ni; ni taa li ŋmɔ tɔb pu tijar; ni taa li seei tɔb; ni taa cha kinanaŋ kibaa ki li bi ni chee.

Efesusi 6:4

Tetiib, ni taa fiini nimi aabim aaŋuul. Ni li joo bi mbamɔm, ki sur bi, ki tuk bi Tidindaan aabɔr.

1 Samuel 20:29

U bui ke, ‘M gaŋ si, cha m buen. Timi aadichal bi toor kitork aajim kitiŋ ponn ni, le nkpel bui ke m li bi nima. Kina pu na, aa yaa ye njɔ kan, cha m buen ki ti kan ndo yaab.’ Nima pu le waa bi ti chee u ji tijikaar.”

1 Samuel 20:31

Saa nyi ke David yaa kpa limɔfal kan, saan ŋmaa ji nnaan kitiŋ kee pu kpala aa? Ti li joo ni u do, aan m ku u.”