1 Samuel 20:3 - Uwumbɔr aagbaŋ

³ Le David kii u ke, “Aate nyi mbamɔm saah gee mi pu na, le ki yii kaan cha aa bee waalandak; ba pu? ni ga bii aasui sakpen. M puu Uwumbɔr u bi n‑yoonn mɔmɔk na ke ntaal libaa bi mbuu ni, le liken mu bi lipaal.”

1 Samuel 20:3 ပူးပေါင်းရင်းမြစ်များ

2 Samuel 15:21

Le u gar u ke, “Mpɔɔndaan, m puu Uwumbɔr aayimbil pu ki tii si, ke m ga li dii si ki ti saa nimɔk aa cha na, hali ni yaa ye nkun kan, m ga dii si.”

2 Bibɔrb 2:2

Baah cha na le Elaija ti bui Elaisa ke, “Tɔ, gaar do; Uwumbɔr bui mi ke m buen Betel.” Tɔ, Elaisa nan gar u ke, “Maah kii tii aa ni Uwumbɔr u bi n‑yoonn mɔmɔk na pu na, m puu ke maan buen nibaa chee ki cha si.” Le bi nan dii buen Betel.

2 Bibɔrb 2:4

Le Elaija bui Elaisa ke, “Tɔ, gaar do; Uwumbɔr bui mi ke m buen Jeriko aatiŋ ni.” Le Elaisa gar u ke, “Maah kii tii aa ni Uwumbɔr u bi n‑yoonn mɔmɔk na pu na, m puu ke maan buen nibaa chee ki cha si.” Le bi nan dii buen Jeriko aatiŋ ni.

2 Bibɔrb 2:6

Le Elaija bui Elaisa ke, “Tɔ, gaar do; Uwumbɔr bui mi ke m buen Jɔɔdann Aamɔɔl ni.” Le Elaisa gar u ke, “Maah kii tii aa ni Uwumbɔr u bi n‑yoonn mɔmɔk na pu na, m puu ke maan buen nibaa chee ki cha si.” Kina pu le bi nan di siir,

Ilahn 116:3

Nkun aanimaln nan mann goln mi; le likaakul aajawaan gob mi siin; ijawaan sakpiin le nan chuu mi,

Jeremia 38:16

Le Ubɔr Sedekia nan loon ki puu tii mi ke, “M puu Uwumbɔr u bi, ki tii timi limɔfal na, ke maan ku si, kaan di si tii binib bi ban bi ku si na.”

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Ikaal 28:66

Nimi aamɔfal ga li bi linimaln ni, n‑yoonn mɔmɔk la. Ijawaan ga li joo nimi kinyeek ni nwiin pu la, le ni ga li dak ke ni ga kpo.

Ikaal 6:13

Ni li pak Nidindaan Uwumbɔr, ki li dooni uma baanja, aan ki li puur nimi aapuur waayimbil baanja pu.

Hiibru Yaab 6:16

Binib yaa puu tipuur kan, bi puur unii u jer bi na aayimbil pu la. Binib yaa kpak kinikpakpak ki ti puu tipuur kan, ni doo le na.

1 Samuel 1:26

Le Hana bui u ke, “Gafara, maaninkpel. Aa bee mi ii? Min le ye upii u aa nan kan u si do ki bi mee Uwumbɔr na.

1 Samuel 17:55

Sɔɔl aah kan David cha, u ni Goliaf ti jan na, le u baa waajab aaninkpel Abner ke, “Abner, ŋma aajapɔɔn ye u?” Le Abner bui u ke, “Maaninkpel, maa nyi u.”

1 Samuel 20:2

Jonatann nan kii u ke, “Uwumbɔr aan kii ke aa kpo. Nte yaa ban u ŋa nimɔk, ni ye tibɔkpaan bee bɔfam kan, see u bui mi. Waa joo tibaa bɔrni mi. Naa ye mbamɔn.”

1 Samuel 20:4

Le Jonatann bui ke, “M ga ŋa saah ban pu na mɔmɔk.”

1 Samuel 25:26

Uwumbɔr le cha saa gee liŋuul ki ku saadim. Le m puu Uwumbɔr aayimbil pu dandana wee, ke saadim ni binib bimɔk ban bi tun si titunwanbir na, ni Nabal aatafadaan ga li kpaan la.

1 Samuel 27:1

Le David nan bui ubaa ke, “Daalbaadaal kan, Sɔɔl ga nan ku mi. Tiwan ni ŋan ke m ŋa na le ye ke m san buen Filistia yaab aatiŋ ni. Nima kan, Sɔɔl aan ki ban mi Israel aatiŋ ni, le m ga fuur.”