1 Samuel 20:2 - Uwumbɔr aagbaŋ

² Jonatann nan kii u ke, “Uwumbɔr aan kii ke aa kpo. Nte yaa ban u ŋa nimɔk, ni ye tibɔkpaan bee bɔfam kan, see u bui mi. Waa joo tibaa bɔrni mi. Naa ye mbamɔn.”

1 Samuel 20:2 ပူးပေါင်းရင်းမြစ်များ

Mpiin 44:7

le bi bui u ke, “Uninkpel, aa len kinye? Ti puu ke taan ŋmaa ŋa bakaa kina aaboln.

Ilahn 40:6

Saa ban tiwakor ni tijikaar aatork; saa ban ke m di tiwakor toor kitork ki di see mmii kitork aabimbiln paab tii si, kaa ban ke m toor kitork titunwanbir pu, aa tee tii mi ŋitafal ke m ŋun tii si,

Ŋiyataŋak 29:24

Aa yaa ye unaayuk aaŋeen aatɔ kan, aa tii aabaa titotonn la. Aa yaa len mbamɔn libɔjil ni kan, bi ga daa aatafal, le aa yaa nee kan, Uwumbɔr mu puuni lir aa pu.

Aisaya 50:5

Uwumbɔr tii mi ntafaŋum, le m kii kaa yii waamɔb, kaa fenn mpuwɔb tii u.

Tibɔnyaan ti Luk ŋmee ti na 20:16

U ga dan nan ku bikpaab ngbaan, ki di kisaak ngbaan tii bikpaab biken.” Kinipaak ngbaan aah ŋun kina na, le bi bui ke, “Uwumbɔr taa cha ni pii bi.”

Jɔnn 15:15

Maan ki yin nimi ke bitutum; m yin nimi ke njɔtiib la. Ututunn aa nyi udindaan aabɔr mɔmɔk; m tuk nimi tibɔr timɔk m ŋun Nte Uwumbɔr chee na.

Jɔnn 17:8

ba pu? m tuk bi saah tuk mi tibɔr ti na, le bi gaa ti, ki nyi ke ni ye mbamɔn ke m nyan ni aa chee, ki pak ke si le tun ni mi.

Josua 22:29

Mbamɔn, taan ŋmaa yii Uwumbɔr aamɔb, ki mu aan yii ke taan ki dii u, ni mu aa ye ke ti maa libimbiln ti li toor kitork ki seer mmii ni, bee kitork kiken, bee njikaabim aatork li pu la. Taan ki maa kitork aabimbiln liken kpee Tidindaan Uwumbɔr aabimbiln li si Waabool aanimbiin ni na.”

Josua 24:16

Le binib ngbaan nan giin bui u ke, “Taan di Uwumbɔr lii kpala ki dii liwaal libaa.

1 Samuel 14:45

Le bijab ngbaan bui Sɔɔl ke, “Jonatann u tii Israel linyaŋ limina na kpo oo? Aayii. Ti puu Uwumbɔr u bi n‑yoonn mɔmɔk na pu ke, hali waayikpir kibaa aan nya uyil pu. Waah ŋa pu din wee na ye Uwumbɔr aaterm pu la.” Le bijab ngbaan nan gaa Jonatann lii, le baa ku u.

1 Samuel 20:1

Le David san nyan Nayof ni, Rama aatiŋ ni, ki buen Jonatann chee, le ki ti baa u ke, “M ŋa ba? M bii ba aabiil? Ba aataani aan m ŋa aate, le u ban mi, u ku mi?”

1 Samuel 20:12

le Jonatann bui David ke, “Israel yaab Aadindaan Uwumbɔr li ye timi aaseeraadaan. Kinakokoona daalpu, m ga baa nte. Waah ga kii mi pu na yaa ŋan kan, m ga cha aa ŋun.

1 Samuel 20:3

Le David kii u ke, “Aate nyi mbamɔm saah gee mi pu na, le ki yii kaan cha aa bee waalandak; ba pu? ni ga bii aasui sakpen. M puu Uwumbɔr u bi n‑yoonn mɔmɔk na ke ntaal libaa bi mbuu ni, le liken mu bi lipaal.”

1 Samuel 9:15

Ki nin woln bundaal aan Sɔɔl kan Samuel na, Uwumbɔr nan bui Samuel ke,