1 Samuel 20:16 - Uwumbɔr aagbaŋ

¹⁶ u cha taah puu tipuur ti na li beenin bi. Aa yaa bii ti kan, Uwumbɔr ga daa aatafal.”

1 Samuel 20:16 ပူးပေါင်းရင်းမြစ်များ

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

2 Samuel 21:8

U nan tee nyan Armoni, ni Mefibosef, bi aana nan ye Aya aabisal Rispa, Sɔɔl aapuu waatiir na; ni Sɔɔl aabisal Merab aajapɔtiib biŋmu bi u nan ma Basilai, u nyan ni Mehola na aajapɔɔn Adriel chee na.

Jeremia 40:9

Gedalia nan bui bi ke, “M puu tii nimi ke ijawaan ibaa aa bi ni ga li san i ke ni ti di nibaa tii Babiloŋ aajab. Kal kitiŋ kee pu man, ni yaa tun tii Babiloŋ yaab kan, ni ga li ŋan tii nimi.

Ikaal 23:21

“Ni yaa puu tipuur tii Nidindaan Uwumbɔr kan, ni taa taan, ni pɔɔn nibaa ki ŋa naah puu ke ni ga ŋa pu na; ni yaa kaa ŋa ti kan, Uwumbɔr ga chuu nimi taani, le ni ye titunwanbir le ke naa gbiin ti.

Josua 22:23

Ni yaa ye ke ti yii Uwumbɔr aamɔb, le ki maa kitork aabimbiln ke ti li seer njikaabim aapiin, bee kimɔbaan aapiin kan, cha Uwumbɔr ubaa daa titafal.

1 Samuel 18:3

Jonatann nan puu limɔfal aajɔtiik aapuur tii David, waah gee u sakpen pu na.

1 Samuel 20:42

Le Jonatann bui David ke, “Uwumbɔr li bi aa chee. Uwumbɔr ga cha m ni sin, ni timi aayaabitiib li joo tipuukpaan ti ti puu tii tɔb na.” Le David siir, le Jonatann mu gir buen kitiŋ ponn ni.

1 Samuel 22:8

Kina pu le ni bi kpokl m pu uu? Ni ponn ni ubaa aa bui mi ke maabo ni David kpaan bumɔb la. Ubaa aa dak m pu, kaa bui mi ke David, u ye maajab ponn ni ubaa na bi ban mi libuul lee ni, ke u ku mi, ki kpee ke njapɔɔn le pɔɔk utaakpab.”

1 Samuel 23:18

Bima bilee ngbaan nan ki puu kijɔtiik aapuur kpaan tii tɔb. David nan gaar Hores ni, le Jonatann gir kun.

1 Samuel 25:22

M yaa kaa ku bijab ngbaan mɔmɔk waahr aan kitaak nin woln kan, Uwumbɔr faa ku mi.”

1 Samuel 25:26

Uwumbɔr le cha saa gee liŋuul ki ku saadim. Le m puu Uwumbɔr aayimbil pu dandana wee, ke saadim ni binib bimɔk ban bi tun si titunwanbir na, ni Nabal aatafadaan ga li kpaan la.

1 Samuel 31:2

Filistia yaab nan jenn chuu bi, ki ku Sɔɔl aajapɔtiib bitaa, Jonatann, ni Abinadab, ni Malkisua.