1 Samuel 2:7 - Uwumbɔr aagbaŋ

⁷ U ŋani binib bibaa bigiim, le ki ŋani biken biwankpadam. U sunni bibaa taab, le ki ŋani biken binikpaam.

1 Samuel 2:7 ပူးပေါင်းရင်းမြစ်များ

2 Bibɔrb 9:6

Le bima bilee ngbaan dii koo kidiik ni, le ubɔnabr pɔɔn ngbaan di olif aakpan na kpir Jehu aayil pu ki bui u ke, “Israel yaab Aadindaan Uwumbɔr le len ke: ‘Min le kaan si maanib Israel yaab aabɔr.

1 Bibɔrb Aabɔr 29:12

Nkam ni liwankpal mɔmɔk nyan ni sin chee la, le aa joo saapɔɔn joo tiwan mɔmɔk, le ki ga ŋmaa cha unii mɔmɔk kan liyimbil ni mpɔɔn.

2 Bibɔrb Aabɔr 32:27

Hesekia nan kpaln uwankpadaan, le unii mɔk gur nyuŋni u. U nan cha bi maa tidir ti u joo waasalmaa, ni tikunabr, ni ŋitakpanyaan, ni tulalee tiib, ni kijaak aapen, ni tiwanbankaan niken ŋani na.

2 Bibɔrb Aabɔr 32:29

Ki kpee nimina mɔmɔk pu na, Uwumbɔr nan tii u tiwakor, ni liwangol liken sakpen, le u maa ntim sakpen.

Job Aagbaŋ 1:21

ki nan bui ke, “Baah nan ma mi na, maa nan joo ni nibaa, le ki ga nan kpo, kaa joo nibaa. Uwumbɔr nan tii, uma le ki gaa. Pak waayimbil man.”

Job Aagbaŋ 40:12

Mbamɔn, lik bi, ki sunn ni bi taab; doo bibiindam baah si nin chee na.

Job Aagbaŋ 5:11

Mbamɔn, Uwumbɔr le fiini unii u sunn ubaa taab na paacham le ki tii unii u wii ikpowiil na mpopiin.

Ilahn 75:7

Uwumbɔr le ji tibɔr, u bii bibaa aabɔr, le ki bui biken ke baabɔr ŋan.

Ilahn 75:8

Uwumbɔr joo kiyikuuk uŋaal ni, kiyikuuk ngbaan gbii ndapɔɔl mu ye waaŋuul na la. U bar mu, le bibiindam mɔmɔk nyun mu; bi nyun mu mɔmɔk pel pel.

Ŋiyataŋak 22:2

Uwankpadaan ni ugiin mɔk kpaan tiwan nibaa nee la; nima le ye ke Uwumbɔr le naan bi mɔmɔk.

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Jeremia 49:15

Uwumbɔr ga cha aa taa ki li kpa mpɔɔn, le ubaa aan ki li pak si.

Esekiel 17:24

Isui i mɔmɔk bi kitiŋ ngbaan pu na ga bee ke min le ye Uwumbɔr. Min le ga gaa geei isui i fɔk na, ki cha i kaa fɔk na muun ki li fɔk. Min le ga kuur isusoon ki cha isukuun fikr ki bunn. Min Uwumbɔr le len kina. M ga ŋa maah bui ke m ga ŋa pu na.”

Jemisi 4:10

Ni sunn nibaa taab man Tidindaan aanimbiin ni, le u ga nyuŋ nimi.