1 Samuel 2:6 - Uwumbɔr aagbaŋ

⁶ Uwumbɔr ku la, le ki ki tii limɔfal; u cha binib chaa kitekpiitiŋ ni, le ki tii binib limɔfal.

1 Samuel 2:6 ပူးပေါင်းရင်းမြစ်များ

1 Bibɔrb 17:22

Uwumbɔr nan kii Elaija aameel; le ubo ngbaan piin ki bi fuur le ki fikr.

2 Bibɔrb 5:7

Israel yaab aabɔr aah karn kigbaŋ na, le usui bii, le u daa kar waawanpeenkaan ki teen mpɔɔn pu ke, “Siria aatiŋ aabɔr ban ke m ŋa kinye aan ki cha uja wee pɔɔk? U dak ke m ye Uwumbɔr u kpa limɔfal ni nkun aapɔɔn na la aa? Nimina dɔ mpaan pu ke u ban u tak mi la.”

Job Aagbaŋ 5:18

Uwumbɔr poo ibuun i u tii na; uma aaŋaal le tii si titotonn, le ki ki tii si laafee.

Ilahn 116:3

Nkun aanimaln nan mann goln mi; le likaakul aajawaan gob mi siin; ijawaan sakpiin le nan chuu mi,

Ilahn 30:4

Uwumbɔr aanib bi dii u mbamɔm na, gaa ilahn ki pak u man. Teer man U bi Chain na aah ŋa pu na, ki doon u man.

Ilahn 68:20

Timi Aawumbɔr le ye Uwumbɔr u gaal binib lir na; uma le ye Tidindaan Uwumbɔr u nyani timi nkun ni na.

Ilahn 71:20

Aa cha tibɔbir ni falaa dan m pu, le aa ga ki giin ni maapɔɔn, saan cha m kpo.

Ulandaan 3:3

tiwan aakum aayoonn bi, le tiwan aatem aayoonn mu bi, tiwan aabern aayoonn bi, le tiwan aamaam aayoonn mu bi.

Aisaya 26:19

Tɔ, timi aanib bi kpo na ga ki fikr nkun ni. Biwon ga ki fikr ki li kpa limɔfal. Bimɔk dɔ geen baakaakul ponn ni na ga fii ki gaa mpopiin aalahn. Limaln aah sɔŋni kitiŋ pu na, kina le Uwumbɔr ga fikr binib bi kpo ni yunn na.

Esekiel 37:12

Kina pu na, nabr maabɔr tuk maanib Israel yaab, ki tuk bi ke min Dindaan Uwumbɔr ban m chuu biir baakaakul la. M ban m chuu nyan ni bi le ki di bi giin ni Israel aatiŋ pu.

Esekiel 37:3

U nan baa mi ke, “Unibɔn, ikpab imina ga ki ŋmaa fikr aa?” M nan gar u ke, “Ndindaan Uwumbɔr, sin baanja le ga ŋmaa tii ngarm ngbaan.”

Matiu 12:40

kina le min Unibɔn Aabo mu ga li bi kitiŋ ponn ni iwiin itaa ni tinyer titaa. Lijinjiir aatuln limina baanja le ni ga kan.

Jɔnn 11:25

Le Yesu bui u, “U fikr binib nkun ni, ki tii bi limɔfal na le ye min. Unii umɔk gaa mi ki kii na, u yaa kpo kan, u ga li kpa limɔfal.

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.

1 Samuel 20:3

Le David kii u ke, “Aate nyi mbamɔm saah gee mi pu na, le ki yii kaan cha aa bee waalandak; ba pu? ni ga bii aasui sakpen. M puu Uwumbɔr u bi n‑yoonn mɔmɔk na ke ntaal libaa bi mbuu ni, le liken mu bi lipaal.”