1 Samuel 2:5 - Uwumbɔr aagbaŋ

⁵ Binib bi nan kpa ki ji babr na gur joo bibaa le kooh ki kpiini bibaa; nkon aah nan joo bi na gur ji gunni la. Upii u nan ye uŋoob na gur kpa mbim mulole la, le upii u nan kpa mbim pam na aa ki kpa ubaa gur.

1 Samuel 2:5 ပူးပေါင်းရင်းမြစ်များ

Ilahn 113:9

U nyuŋni upii u kaa kpa ubo na waadichal ni; u tii u mbim, le usui piir. Pak Uwumbɔr man.

Ilahn 34:10

Hali ichinn chuun nkon, kaa kani tijiir, le binib bi keei Uwumbɔr aamɔb na aa lann tiwan ni ŋan na nibaa.

Aisaya 33:9

Ubaa aa ki ko kitiŋ ngbaan, le ki gur dɔ fam. Lebanonn aachoor na aasui yɔl, le Saronn aafataŋ ki aatiŋ ŋan na gur naahn nteer la, le Basann aatiŋ ni, ni Kamel Aajool pu aasui aafar gbar lir kitiŋ.

Aisaya 54:1

Jerusalem, aa nan bi ke upii u kaa kpa mbim na la, le dandana ma aa ga ŋmaa teen ki gaa ilahn ni mpopiin. Dandana aa ga kan mbim ki jer upii u aachal aa kee buen nibaa chee ki cha u na.

Jeremia 15:9

Upii umɔk aabim mulole kpo na nan fik, kaa ki ŋmaa fuur. Waawiihn nan kpaln mbɔmbɔɔn la; u nan jin inimɔɔn, le usui bii. M ga cha nimi aadim ku nimi bi beenin fu na. Min Uwumbɔr le len kina.”

Tibɔnyaan ti Luk ŋmee ti na 1:53

Binib bi nkon joo bi na, u tii bi tijikaar nyaan, bi ji bab. U cha biwankpadam chuun ni iŋaalpeen.

Tibɔnyaan ti Luk ŋmee ti na 16:25

“Le Abraham bui u, ‘Maabo, teer ke saah nan bi limɔfal ni na, aa nan bi ji saamɔɔn la. Lasarus mu nan bi ji falaa la. Dandana wee Lasarus aasui sɔŋ do chee na. Aa mu bi ji falaa la.

Galantiya 4:27

Ni ŋmee Uwumbɔr Aagbaŋ ni ke, “Upii u kaa ma mbim na, u li kpa mpopiin. Imalween aah kaa chuu upii u na, u li tar mpopiin ngbaan pu; ba pu? upii u aachal yii u na aabim wiir ki jer upii u kpa chal na aabim.”

Ruf Aagbaŋ 4:15

Aabipuu gee si la, le waah ŋa pu tii si na jer mbijabim bilole aah ga ŋmaa ter si pu na. N‑yoonn mue u tii si yaabil u ga tii si limɔfapɔln ki li kii si buyoonn aa por na.”

1 Samuel 1:20

Kina pu na, ni nan ye le ke u di dek, ki maa ubijabo. U nan yin u ke Samuel, le ki kpiir len ke, “M mee u Uwumbɔr chee la.”

1 Samuel 1:6

Uyɔnn Penina nan ŋani u mbiin ni mbɔnyun, ba pu? Uwumbɔr aa nan tii u ubo.