1 Samuel 2:36 - Uwumbɔr aagbaŋ

³⁶ Aayaabitiib ponn ni u ŋmar na ga li chaa utotoor ngbaan chee le ki ti mee ŋimombil, ni tijikaar, le ki gaŋ u ke u cha u ter bitotoorb baatuln ni, aan ki kan nibaa ki ti kpiin ubaa.”

1 Samuel 2:36 ပူးပေါင်းရင်းမြစ်များ

1 Bibɔrb 2:27

Le Solomonn nyan Abiatar Uwumbɔr aatotoor aatuln ni, le ki cha Uwumbɔr aah len utotoor Eli ni uyaabitiib aabɔr, Silo aatiŋ ni pu na gbiin.

2 Bibɔrb 23:9

Bitotoorb ngbaan aa nan ki kpa nsan ke bi ki tun lituln Uwumbɔr Aadichal ni, ki mu nan tee ga ŋmaa ŋmɔ boroboro u kaa kpa boroboro aanyɔk aan bitotoorb biken ŋmɔ na.

Ŋiyataŋak 14:19

Titunwanbirdam ga gbaan binib bi aabimbin ŋan na chee le ki gaŋ bi ke bi san bi kinimbaak.

Malakai 1:13

Ni bui le ke, ‘Ti kpaan bak nimina pu a,’ le ki fenn nimɔfal toŋ nibaa wɔb. Naah sun kiwakork ki na, bee ki bun na, bee kitaal koo na, le ni joo toor kitork tii mi. Ni dak ke m ga gaa nimina ni chee ee?

Bibɔjirb 17:10

Maika nan bui u ke, “Li koo m chee. Li ye maasusur ni utotoor. M ga li tii si tikunabr aamombibir kipiik libiln mɔmɔk ni, ni tiwanpeenkaan, ni tijikaar ti aa ga li ji na.”

1 Samuel 2:35

Le m ga lee utotoor u ga dii mi mbamɔm, ki ŋani tiwan nimɔk m ban na. M ga tii u yaabitiib bi ga li tun maatuln, maabɔr u m lee u na chee n‑yoonn mɔmɔk.

1 Samuel 3:1

N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.