1 Samuel 2:35 - Uwumbɔr aagbaŋ

³⁵ Le m ga lee utotoor u ga dii mi mbamɔm, ki ŋani tiwan nimɔk m ban na. M ga tii u yaabitiib bi ga li tun maatuln, maabɔr u m lee u na chee n‑yoonn mɔmɔk.

1 Samuel 2:35 ပူးပေါင်းရင်းမြစ်များ

2 Samuel 7:27

Uwumbɔr u yeh mpɔɔn mɔmɔk na, Israel yaab Aawumbɔr, naah ŋa pu aan m kpa lipobil ke m mee si limeel limina na le ye ke sin le kpiir nimina mɔmɔk mɔk mi, saatutunn, le ki bui mi ke n‑yaabitiib ga li ye bibɔrb la.

1 Bibɔrb 1:45

le Sadok ni Natann kaan u tibɔr, Gihonn aayayak aanyunbun chee. Le bi buen kitiŋ ni, ki tar mpopiin pu, le binib mɔmɔk kpa kifuuk sakpen. Naah laa ŋun kifuuk ki pu na le na.

1 Bibɔrb 1:8

Tɔ, utotoor Sadok, ni Jehoyada aajapɔɔn Benaya, ni Uwumbɔr aabɔnabr Natann, ni Simei, ni Rei, ni bijab bi kii David na aa nan sil Adonija aachaŋ ni.

1 Bibɔrb 11:38

Aa yaa kii maamɔb ti doo, ki dii maakaal, ki ŋani maah siin pu na ke maatutunn David aah nan bi pu na, aan nlaasaab koo aa ni kan, m ga li bi aa chee n‑yoonn mɔmɔk. M ga ŋa si Israel yaab aabɔr, ki ga cha aayaabitiib li ji nnaan aapuwɔb, ke maah ŋa pu tii David na.

1 Bibɔrb 2:35

Ubɔr nan di bijab aaninkpir ti Joab nan joo na tii Benaya, le ki di utotoor Abiatar mu aabuul ni tii Sadok.

1 Bibɔrb Aabɔr 29:22

Kina pu na, bi nan jin ki nyun Uwumbɔr aanimbiin ni liyaadaal ngbaan, ki nan kpa mpopiin sakpen. Bi nan ki gir moon lelee ke Solomonn le ye ubɔr. Bi nan kaan u nnaan Uwumbɔr aayimbil pu, le ki di Sadok mu ŋa utotoor.

Ilahn 18:50

Uwumbɔr le tii mi, waabɔr, linyaŋ sakpeln ngbaan; u mɔk waah lee u na ngeehm n‑yoonn mɔmɔk la, u mɔk mi, David, ni n‑yaabitiib waageehm ki ti saa n‑yoonn mu kaa kpa ndoon na.

Ilahn 2:2

Baabɔrb yiil Uwumbɔr aamɔb, le baajojoob kpaani ki kpokl Uwumbɔr, ni waah lee ubɔr u na pu.

Esekiel 34:23

M ga tii i upihkpaal ke maatutunn David na, aan uma baanja li ye yaapihkpaal, le u ga li joo i mbamɔm.

Nkahm 25:13

Waah kaa kii ke Israel yaab ki li dooni ubaa ki kpee m pu, ki joo ni chapinn baatunwanbir pu na, u ni waamaal ga li ye bitotoorb le n‑yoonn mɔmɔk.”

Hiibru Yaab 2:17

Ni ŋan ke u li naahn unaabitiib tiwan mɔmɔk ponn ni, aan ki li ye utotoorninkpel u san timi kinimbaak, ki tun Uwumbɔr aatuln mbamɔm, ki di ubaa toor kitork aan Uwumbɔr di cha pinn waanib baatunwanbir na.

1 Samuel 10:10

Sɔɔl ni waatutunn aah nan ti fuu Gibea na, Uwumbɔr aabɔnabtiib bibaa nan tooh u nsan ni. Libuul ngbaan ni le Uwumbɔr Aafuur Nyaan nan gbiin u, le u buen ti kpaan bi chee ki bi pak Uwumbɔr, Waafuur Nyaan aapɔɔn pu.

1 Samuel 10:9

Sɔɔl aah fenn ke u siir Samuel chee na, le Uwumbɔr tii u mbimbipɔm. Samuel aah nan bui u tibɔr ti mɔmɔk na nan ŋa kina liyaadaal ngbaan.

1 Samuel 12:3

Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”

1 Samuel 16:13

Samuel nan yoor olif aakpan ki di kpir David aayil pu, ki kaan u nnaan, ukpetiib aanimbil ni. Libuul ngbaan ni le Uwumbɔr Aafuur nyaan gbiin David, ki cha u pɔɔk nyib, ki bi u chee ki joo cha. Le Samuel gir buen Rama ni.

1 Samuel 2:36

Aayaabitiib ponn ni u ŋmar na ga li chaa utotoor ngbaan chee le ki ti mee ŋimombil, ni tijikaar, le ki gaŋ u ke u cha u ter bitotoorb baatuln ni, aan ki kan nibaa ki ti kpiin ubaa.”

1 Samuel 25:28

Maaninkpel, m gaŋ si ke aa di cha pinn mi taani umɔk m ŋa na. Uwumbɔr ga ŋa si ubɔr, ki di kpee aayaabitiib mu; ba pu? aa bi to waatɔb la, kaan ŋa tibɔbir tibaa n‑yoonn mumɔk aa bi limɔfal ponn ni na.

1 Samuel 3:1

N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.

1 Samuel 7:9

Le Samuel kɔr upiih, ki toor kitork, ki di see mmii ponn ni tii Uwumbɔr, le ki mee Uwumbɔr ke u ter Israel yaab, le Uwumbɔr kii waameel ngbaan.

1 Samuel 8:3

Bi mu aa nan tee dii bite aasan. Baalandak nan ye le ke bi kan ŋimombil, kina pu na, bi nan gaal igaŋgaŋlik, kaa nan ji tibɔr mbamɔm.

1 Samuel 9:12

Le bisapɔm ngbaan kii bi ke, “Een, u bi. Mbamɔn, uma le kpaan bi nimɔb pu na. Ni yaa chuun mala kan, ni ga pii u nsan ni. Ni yaa ti kpaan koo kitiŋ ponn ni kan, ni ga kan u. Din wee le u fuu ni kitiŋ ni do; ba pu? binib ngbaan ban bi toor kitork, kitork aabimbiln paab ligongoln pu la. Baah yin ni binib bi na aan ŋmaa piin tijikaar aajim see u fuu nima waahr, ba pu? uma le ga mee Uwumbɔr kitork ngbaan pu. Ni yaa buen dandana wee kan, ni ga kan u waahr aan u nin buen ligongoln pu ke u ti ji.”