1 Samuel 2:30 - Uwumbɔr aagbaŋ

³⁰ Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.

1 Samuel 2:30 ပူးပေါင်းရင်းမြစ်များ

1 Bibɔrb 11:11

le u bui u ke, “Saah bii tipuur ti bi m ni sin aakaasisik ni, ki yii maah tuk si pu na, m puu ke m ga gaa saanaan aa chee ki di tii saaninkpiib ponn ni ubaa.

1 Bibɔrb 2:27

Le Solomonn nyan Abiatar Uwumbɔr aatotoor aatuln ni, le ki cha Uwumbɔr aah len utotoor Eli ni uyaabitiib aabɔr, Silo aatiŋ ni pu na gbiin.

1 Bibɔrb Aabɔr 17:18

M ga ki ŋmaa len kinye aa pu. Aa nyi mi mbamɔm, le ki nyuŋ mi saatutunn.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

2 Bibɔrb Aabɔr 26:18

ke bi ti kiir u, u taa see tulalee aayon ngbaan. Bi nan len ke, “Usia, saa kpa nsan ke aa see tulalee aayon mmii ni ki tii Uwumbɔr. Bitotoorb bi ye Aaronn aayaabitiib aan bi finn bi ke bi li tun kina aatuln na baanja le kpa kina aasan. Nya chain aabuul lee ni. Aa tun Tidindaan Uwumbɔr titunwanbir la, kina pu na, saan ki kan waanyoor.”

Ilahn 18:20

Maah tun ni ŋan na pu na, le Uwumbɔr pan mi kina aapal; maah kaa tun taani ubaa pu na, le u ŋani waanyoor ŋani m pu.

Ilahn 18:26

Aa bi chain, binib bi bi chain na chee, le kaa gee bibiindam.

Ilahn 50:23

Idoon le ye kitork ki ga nyuŋ mi na, le m ga sil gaa binib bimɔk kii maamɔb na lii.”

Ilahn 73:20

Bi naahn tidaŋ ti aa daŋ kinyeek, ki woln kichakpiik ni ki suln ti na la; Uwumbɔr, aa yaa fii sil paacham kan, le bi wɔŋ.

Ilahn 91:14

Uwumbɔr bui ke, “M ga gaa binib bi gee mi na lii, ki li kii binib bi nyi mi ke m ye Uwumbɔr na.

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Nnyam 28:43

Aaronn ni ujapɔtiib yaa ban bi dan nnimbiin ni, bee bi yaa ban bi koo Chain Aapepel ni, bi nan ŋa kitork aatuln kan, bi ga yiin tiwanpeenkaan ngbaan la, aan nima kan, baan li kpa ngalm ki kpo. Aaronn ni uyaabitiib mɔmɔk ga li joo nkaal ngbaan kina, le ki cha n‑yoonn mu kaa kpa ndoon na.

Nnyam 29:9

ki di ŋitan buu bichaŋ ni, ki ki di ŋitan buu biyil. Kina le aa ga kaan Aaronn ni ujapɔtiib bi li tun kitork aatuln. Bi ni biyaabitiib ga li tun kitork aatuln tii mi kina, le ki cha n‑yoonn mu kaa kpa ndoon na.

Ŋiyataŋak 12:8

Aa yaa kpa ichiin kan, aa ga kan kipak; aa yaa ye ulatiir kan, binib ga lik seen si.

Ŋiyataŋak 4:8

Li gee nlan, le mu ga ŋa si unikpaan. Gaa mu ki kii aan mu joo ni si liyimbil.

Ŋiyataŋak 8:17

M gee binib bi gee mi na; unii umɔk ban mi na ga kan mi.

Aisaya 29:13

Uwumbɔr bui ke, “Binib bimina bui ke bi dooni mi la, le baadoon aa kpa tataa, bisui bi nibaa wɔb la. Bi joo biyaajatiib aakaal i bi di ŋa bisui ni ki ŋmaa teer i n‑yoonn mɔmɔk na la, ke ni ye Uwumbɔr aakaal la.

Jeremia 49:15

Uwumbɔr ga cha aa taa ki li kpa mpɔɔn, le ubaa aan ki li pak si.

Esekiel 34:10

Min Nidindaan Uwumbɔr le len ke m ye nimi aadin la. M ga gaa maapiih ni chee, kaan ki cha ni li ye yaapihkpaab daalbaadaal; maan ki cha nitafal li bi nibaa ni daalbaadaal. M ga gaa maapiih ni chee lii, kaan cha ni ŋmɔ i.

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Malakai 2:3

M ga daa nimi aabim aatafal, ki di naah kɔr tiwakor ti na aapor boon ninimbil wɔb, aan bi ga di nimi buen litapuln pu.

Nkahm 11:20

ni ga ŋmɔ ti uŋmal ubaa le ti nuŋ nimɔfal ni, le ti ga cha ni buŋ kina pu. Ni ga ŋa kina, ba pu? ni yii Uwumbɔr u bi ni chee na, ki ŋulni ke naa ba gee ke ni nya Ijipt aatiŋ ni.’”

Nkahm 35:34

Nima pu na, ni taa bii kitiŋ ki ni koo ki ponn ni na, ba pu? min le ye Uwumbɔr, ki bi nimi Israel yaab chee.”

Jɔnn 12:26

Unii yaa ban ke u tun lituln tii mi kan, udaan li dii mi. Maah bi nin chee na, maatutunn mu ga li bi nima. Unii yaa tun lituln tii mi kan, Nte Uwumbɔr ga nyuŋ udaan.”

Jɔnn 5:23

aan binib mɔmɔk nyuŋ min Ujapɔɔn ke baah nyuŋ Nte Uwumbɔr pu na. Unii umɔk kaa nyuŋ min Uwumbɔr Aajapɔɔn na, waa nyuŋ Uwumbɔr u tun ni mi na le na.

Jɔnn 5:44

Ni nyuŋni tɔb la, kaa ban ke Uwumbɔr, u ye Uwumbɔr baan na, li nyuŋni nimi. Ni ga ŋa kinye aan ki gaa mi ki kii?

Jɔnn 8:49

Le u bui bi, “Maa kpa kinimbɔŋ. M nyuŋ Nte Uwumbɔr la. Le ni sii mi.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.

Bibɔjirb 9:10

Le isui iken na bui likakaln aasub ke, ‘Aa dan ki nan li ye timi aabɔr.’