1 Samuel 2:28 - Uwumbɔr aagbaŋ

²⁸ Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.

1 Samuel 2:28 ပူးပေါင်းရင်းမြစ်များ

2 Samuel 12:7

Le Natann bui David ke, “Sin le ye uja ngbaan. Le Israel yaab Aadindaan Uwumbɔr bui si ke, ‘M ŋa si Israel yaab aabɔr ki gaa si lii Sɔɔl chee.

2 Samuel 6:14

David nan gbab Uwumbɔr aatotoor aakekengeŋ uchaŋ ni, ki di waapɔɔn mɔmɔk ki waa liwaal ki pak Uwumbɔr.

Nnyam 28:1

“Kuun aakpel Aaronn ni ujapɔtiib, Nadab, ni Abihu, ni Eleasar, ni Itamar. Yakr bi Israel yaab biken chee, nima kan, bi ga li tun kitork aatuln tii mi.

Nnyam 28:4

Tuk bi ke bi ŋal kikekengeŋ ki ŋeer ubiŋ pu, ki ŋal libɔkul li kaa kpa iŋaal na, ni kikpalk nyaan, ni kibɔkugeŋ ki bi di seerkaa gbaŋ ki na, ni kiyikpupuk, ni kikekengeŋ ki bi joo buu kichaŋ ni na. Bi ŋal bitotoorb aawanpeenkaan aawan nimina mɔmɔk ki tii aakpel Aaronn ni ujapɔtiib, nima kan, bi ga li ye binib bi toor kitork tii mi na.

Nnyam 30:7

Kichakpiik mɔmɔk ni, n‑yoonn mu Aaronn ti dan u nan toor ki gor karyaa tiib na kan, u ti see tulalee aayon mu nu mɔ na nima chee.

Nnyam 30:8

U yaa ki dan u nan see karyaa tiib kijook wɔb kan, u ki ŋa kina. Ni li seer tulalee aayon ngbaan tii mi n‑yoonn mɔmɔk, nibaa taa kiir nimi.

Liifai Yaab 2:10

Ipiin i gur na ye bitotoorb yaan la. Baah di tijikaar aapiin ngbaan tii Uwumbɔr aan ti gur na, ti ye tijikaar ti bi chain na la.

Liifai Yaab 2:3

N‑yon mu gur na ye bitotoorb yaan la. Baah di tijikaar ngbaan tii Uwumbɔr aan ti gur na, ti ye tijikaar ti bi chain na la.

Liifai Yaab 6:16

Bitotoorb le ga ji n‑yon mu gur na. Bi di mu ŋa boroboro, ki taa ŋa boroboro aanyɔk u ponn ni, aan bi ŋmɔ u, chain aapepel ni, Uwumbɔr aanimbiin ni, Libool ngbaan aachiln ni. Uwumbɔr le di ni tii bitotoorb ke ni li ye biyaan, tijikaar aapiin ni. Titunwanbir ni lipɔln aatork aah ye chain pu na, kitork ngbaan mu bi kina la.

Liifai Yaab 7:32

Kiwakork ngbaan aaŋangii aataajal ye tootookpaan la.

Liifai Yaab 7:36

Liyaadaal ngbaan le Uwumbɔr nan siin ke Israel yaab li joo ipiin ngbaan aanann timina ki joo tii bitotoorb. Ni ye nkaal mu ŋan ke Israel yaab li joo mu n‑yoonn mɔmɔk na la.

Nkahm 16:5

le ki bui Kora, ni binib bi kpee u pu na ke, “Fen aachakpiik ni kan, Uwumbɔr ga fe mɔk ti mɔmɔk unii u ye waanii na; u ga fe cha waah nyan unii u na dan u chee, waatork aabimbiln chee.

Nkahm 18:19

“Tootookpaan umɔk Israel yaab di tii mi na le m di tii sin, ni aajapɔtiib, ni aabisatiib, ki cha n‑yoonn mɔmɔk. Maah len pu na ye tipuur ti kaan bii na la.”

1 Samuel 14:3

Tɔ, utotoor u nan joo tiwan ni bi joo beer Uwumbɔr aageehn na nan ye Ahija, u aate nan ye Ikabod aakpel Ahitub na. Ahitub aate le nan ye Fineas, le uyaaja ye Eli, Uwumbɔr aatotoor u nan bi Silo aatiŋ ni na. Unii ubaa aa nan nyi ke Jonatann siir.

1 Samuel 2:18

N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.