1 Samuel 2:27 - Uwumbɔr aagbaŋ

²⁷ Uwumbɔr aabɔnabr ubaa nan dan Eli chee ki joo ni Uwumbɔr aanaŋ yee ke: “Aayaaja Aaronn ni waadichal aah nan ye binaagbiib Ijipt aatiŋ aabɔr Faro chee na, m nan di mbaa mɔk Aaronn.

1 Samuel 2:27 ပူးပေါင်းရင်းမြစ်များ

1 Bibɔrb 13:1

Uwumbɔr nan cha waabɔnabr ubaa, u nan nyan ni Juda aatiŋ ni na, buen Betel aatiŋ ni ki ti fuu muin Jeroboam si kitork aabimbiln taab ki toor kitork.

1 Bibɔrb 2:27

Le Solomonn nyan Abiatar Uwumbɔr aatotoor aatuln ni, le ki cha Uwumbɔr aah len utotoor Eli ni uyaabitiib aabɔr, Silo aatiŋ ni pu na gbiin.

Nnyam 12:1

Uwumbɔr nan bui Moses ni Aaronn, Ijipt aatiŋ ni ke,

Nnyam 12:43

Uwumbɔr nan bui Moses ni Aaronn ke, “Naah ga li joo Lakr‑jer aajim pu na sɔ: Biwɔwɔm taa kpaan ji Lakr‑jer aajikaar ni chee,

Nnyam 4:27

Uwumbɔr nan bui Aaronn mu ke, “Li cha nteersakpiin pu ki pii Moses nima.” Nima pu na, u nan buen u ti to Moses, Uwumbɔr aajool ngbaan chee; waah kan u na, le u moor utakpiln.

Ikaal 33:1

Uwumbɔr aanii Moses aah nan ŋa tinyoor ti ŋa Israel aanib pu aan ki nin kpo na sɔ:

1 Timoti 6:11

Saah ye Uwumbɔr aanii na, yii titunwanbir timina mɔmɔk, ki li dii mbimbinyaan, ki li bi Uwumbɔr aah ban pu na, ki li tun waatuln mbamɔm, ki li kpa ngeehm, ni suklaa, ki li bi suuna.

2 Piita 1:21

Naa ye bima bibaa aageehn pu le cha bi len. Bi nan len Uwumbɔr Aafuur Nyaan aah cha bi len pu na.

Bibɔjirb 13:6

Upii ngbaan nan siir le ki ti bui uchal ke, “Uwumbɔr aaja ubaa dan m chee, ki kpa mi ijawaan ke Uwumbɔr aatuun na. Maa baa u ke u nyan ni la, u mu aa tuk mi waayimbil.

Bibɔjirb 6:8

le u di waabɔnabr u nan joo ni inaŋ imina na tii ni bi. Inaŋ ngbaan sɔ: “Min u ye nimi Israel yaab Aadindaan Uwumbɔr na le nan nyan ni nimi tinaagbiir ni, Ijipt aatiŋ ni.

1 Samuel 3:12

Nwiin ngbaan daal le m ga ŋa Eli aadichal tiwan nimɔk m bui ke m ga ŋa li na.

1 Samuel 9:4

Bi nan buen Efraim aatiŋ ki ŋigongon wiir nima na, ni Salisa aapepel wɔb, le kaa kan i, kina pu le bi nyan nima ki buen Saalim aapepel mu, le kaa kan i nima mu. Le bi bɔ dii Benjaminn aapepel ponn ni, le kaa ki kan i.

1 Samuel 9:6

Le ututunn ngbaan gar u ke, “Cha m dan waahr. Uja ubaa bi kitiŋ kee ponn ni ki ye Uwumbɔr aanii, le binib mɔmɔk nyuŋni u; ba pu? waah len pu na mɔmɔk gbiini la. Cha ti buen u chee; nibaakan u ga ŋmaa mɔk timi nin chee ibon ngbaan bi na.”