1 Samuel 2:25 - Uwumbɔr aagbaŋ

²⁵ Unibɔn yaa tun uŋeen aatɔ taani kan, nibaakan Uwumbɔr ga san u kinimbaak, tɔ, ŋma ga ter unii u tun Uwumbɔr titunwanbir na?” Le baa pel bite aah len pu na, ba pu? Uwumbɔr nan siin ke u ku bi.

1 Samuel 2:25 ပူးပေါင်းရင်းမြစ်များ

Mpiin 38:10

Waah nan ŋa pu na aa nan piir Uwumbɔr aasui, le u ku u mu.

Mpiin 38:7

Le Er nan tun titunwanbir sakpen, le kaa piir Uwumbɔr aasui, nima pu na, Uwumbɔr nan ku u.

1 Bibɔrb 8:31

“Uwumbɔr, unii yaa tun uken taani, aan bi joo ni u kitork aabimbiln taab, Saadichal ni do, ke u nan puu tipuur ke waa nyi kan,

1 Bibɔrb 8:32

saah bi paacham na, pel ki ji saanaagbiib tibɔr. Daa unii u lir na aatafal ki ŋeer waah tun pu na, ki di unii u aabɔr ŋan na lii.

2 Bibɔrb Aabɔr 10:15

Ni nan ye Bidindaan Uwumbɔr aageehn le ke waah nan cha waabɔnabr Ahija u nyan ni Silo aatiŋ ni na tuk Nebat aajapɔɔn Jeroboam tiwan ni ga ŋa na. Nima pu le ubɔr nan yii, kaa pel binib ngbaan aah nan len pu na.

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

Job Aagbaŋ 9:33

Tɔ, ubaa aa bi ki ga ŋmaa yakr timi, ubaa aa bi ki ga ji m ni Uwumbɔr tibɔr.

Ilahn 51:16

Aa yaa ba ban kitork kan, m ba ga toor kitork tii si; saa neen kitork ki bi joo seer mmii ni tii si na.

Ilahn 51:4

M tun si titunwanbir, sin baanja le m tun titunwanbir, ki ŋani tiwan ni ye aa chee tibir na, kina pu na, aa yaa jin mi tibɔr kan, ni ŋan, aa kpa mbamɔn ke aa bui ke maabɔr bii.

Ŋiyataŋak 13:1

Ubolandaan aate yaa sur u kan, u pel nsurm ngbaan la, le unii u kpa kipupuk na ma aan keei waataani pu.

Ŋiyataŋak 15:10

Aa yaa tun titunwanbir kan, aa ga kan ntafadaan mu bir ki pɔɔ na, sin u kaa gee nsurm na ga kpo la.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Ulandaan 3:3

tiwan aakum aayoonn bi, le tiwan aatem aayoonn mu bi, tiwan aabern aayoonn bi, le tiwan aamaam aayoonn mu bi.

Nkahm 15:30

Tɔ, u yaa nyi le ki tun titunwanbir, ki ye utinbo, bee uwɔwɔnii kan, usui aah kaa lik faar Uwumbɔr pu na, ni ku u;

Ikaal 1:17

Ni taa li kpa imaagann nimi aabɔjil ni, ni li dii nsanbaan ki toor ugiin ni uwankpadaan mɔmɔk aabɔr. Taa san ubaa ijawaan, Uwumbɔr le ga tii nimi nlan le ni len ibamɔn. Tibɔr ti jer nimi aapɔɔn na kan, ni li joo ni ti m chee, aan m nan toor ti.’

Ikaal 2:30

“Le ubɔr Sihonn nan yii, ke ti taa dii waatiŋ ni jer. Nidindaan Uwumbɔr nan cha usui pɔɔk, le u yii Uwumbɔr aamɔb, le Uwumbɔr cha ti nyaŋ u, ki gaa baatiŋ ki ti laa koo ki ponn ni na.

1 Timoti 2:5

Ba pu? Uwumbɔr ye Uwumbɔr baan la. Uchandatuln ubaa baanja le bi Uwumbɔr ni binib aakaasisik ni. Uma le ye Yesu Kristo u nan kpaln unibɔn,

Hiibru Yaab 10:26

Tɔ, unii yaa gaa Uwumbɔr aabɔr ki nyi waah ban pu na, ki yaa ki yii ki tun titunwanbir kigaak pu kan, kitork kibaa aa ki bi ki ga cha Uwumbɔr di cha pinn u.

Hiibru Yaab 10:27

U ga kan ntafadaan mu kpa ijawaan na; ba pu? Uwumbɔr ga gee liŋuul pam, ki di waadim ŋa mmii mu ton sakpen na ponn ni.

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

Josua 11:20

Uwumbɔr le nan cha binib ngbaan aasui fii ke bi to Israel yaab butɔb, aan u ŋmaa kuln bi mɔmɔk; linimbaasaln aa nan bi, le bi ku bi mɔmɔk. Kina le Uwumbɔr nan bui Moses ke u ŋa.

1 Samuel 3:14

Kina pu na, min le bui Eli ni waadichal ke kitork bee ipiin ibaa aa bi ki ga ŋmaa nyan titunwanbir timina aatafadaan.”