1 Samuel 2:23 - Uwumbɔr aagbaŋ

²³ Le u bui bi ke, “Ba ŋa ni ŋani tiwan nimina mɔmɔk? Binib mɔmɔk tuk mi naah tun titunwanbir ti na la.

1 Samuel 2:23 ပူးပေါင်းရင်းမြစ်များ

Aisaya 3:9

Baa kaa gbaa ibamɔn pu na ga ki gir koon bima le tibɔr ni. Bi tun titunwanbir kaa joo bɔrni ke Sodom aanib aah nan tun pu na la. Bima le joo ni bibaa aadoon, bi kuln a.

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Lituln 9:4

Le u lir kitiŋ, ki ŋun nneel len ke, “Sɔɔl, Sɔɔl, ba ŋa aa ŋani mi falaa?”

Filipi 3:19

Baadoon le ga li ye ntafadaan mu kaa kpa ndoon na. Baawumbɔr le ye bipuul. Bi kpa kipupuk inimɔɔn aatuln pu. Baalandak bi dulnyaa wee ni aawan ni la.

1 Samuel 2:22

N‑yoonn mue Eli nan por pam. U nan beenin ŋun ujapɔtiib aah nan ŋani Israel yaab mbiin pu na, ni baah kpaan doo bipiib bi tun lituln Uwumbɔr Aabool aabisamɔb na chee pu na.

1 Samuel 2:24

Njapɔtiib, di cha man ni. Tiwan ni Uwumbɔr aanib len naabɔr na aa ŋan kpala.