1 Samuel 2:22 - Uwumbɔr aagbaŋ

²² N‑yoonn mue Eli nan por pam. U nan beenin ŋun ujapɔtiib aah nan ŋani Israel yaab mbiin pu na, ni baah kpaan doo bipiib bi tun lituln Uwumbɔr Aabool aabisamɔb na chee pu na.

1 Samuel 2:22 ပူးပေါင်းရင်းမြစ်များ

Mpiin 35:22

Buyoonn Jakob nan laa bi kitiŋ ngbaan ni na, le ujapɔɔn Rubenn doon Bilha chee, u nan ye ute Jakob aapuutiib na ponn ni ubaa la. Jakob aah nan ŋun kina na, le usui fii, le liŋuul chuu u pam. Jakob nan kpa mbijabim kipiik ni bilee la.

Mpiin 37:2

Jakob aamaal aabɔr sɔ: Ujapɔɔn Josef nan ye ŋibin kipiik ni ŋilole aanachipɔnbo la, le u ni ukpetiib kpaa bite aawakor, u ni ute aapuutiib Bilha ni Silpa aabim le nan kpaa tiwakor ngbaan. U nan joo ni ukpetiib aabɔr ti kaa ŋan na le ki nan tuk ute.

Nnyam 38:8

U nan di bipiib bi tun lituln Uwumbɔr Aabool aabisamɔb chee na aakumann aanimbilikr, le ki donn ti ki ŋa tikumann aasambil ni laapɔtaln.

Esekiel 22:26

Bitotoorb bii maakaal, le kaa pak tiwan ni ye chain na. Baa yakr tiwan ni bi chain na, ni ni kaa bi chain na. Baa mɔk tiwan ni bi chain na, ni ni kaa bi chain na aah kaa kpaa pu na, le ki cha bitafal aa bi Likpaakool daal ni. Kina pu na, Israel aanib aa pak mi.

1 Samuel 2:23

Le u bui bi ke, “Ba ŋa ni ŋani tiwan nimina mɔmɔk? Binib mɔmɔk tuk mi naah tun titunwanbir ti na la.

1 Samuel 3:13

M puen tuk u ke m ga daa waadichal aatafal ki ti saa n‑yoonn mu kaa kpa ndoon na; ba pu? ujapɔtiib len mi tibɔr ti kaa ŋan na. Eli nyi ke bi ŋani kina, le kaa sur bi.

1 Samuel 8:1

Samuel aah nan ti por na, le u di ujapɔtiib ŋa bibɔlem Israel yaab ponn ni.