1 Samuel 2:18 - Uwumbɔr aagbaŋ

¹⁸ N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.

1 Samuel 2:18 ပူးပေါင်းရင်းမြစ်များ

2 Samuel 6:14

David nan gbab Uwumbɔr aatotoor aakekengeŋ uchaŋ ni, ki di waapɔɔn mɔmɔk ki waa liwaal ki pak Uwumbɔr.

1 Bibɔrb Aabɔr 15:27

David nan di ŋitanyaan aawanpeenkaan le peen, kina le biwangbaab ni bilahngaab, ni baasaloln Kenania, ni Liifai yaab bi nan tu Dakaa ngbaan na, mu nan pee. David nan ki gbab Uwumbɔr aatotoor aakekengeŋ uchaŋ ni.

Nnyam 28:4

Tuk bi ke bi ŋal kikekengeŋ ki ŋeer ubiŋ pu, ki ŋal libɔkul li kaa kpa iŋaal na, ni kikpalk nyaan, ni kibɔkugeŋ ki bi di seerkaa gbaŋ ki na, ni kiyikpupuk, ni kikekengeŋ ki bi joo buu kichaŋ ni na. Bi ŋal bitotoorb aawanpeenkaan aawan nimina mɔmɔk ki tii aakpel Aaronn ni ujapɔtiib, nima kan, bi ga li ye binib bi toor kitork tii mi na.

Liifai Yaab 8:7

U nan di utotoor aabɔkul, ni kikpalk peen Aaronn, ki di kikekengeŋ buu uchaŋ ni, le ki di libɔkul li kaa kpa iŋaal na mu peen u, ki di laagbapapaln mu buu uchaŋ ni.

1 Samuel 14:3

Tɔ, utotoor u nan joo tiwan ni bi joo beer Uwumbɔr aageehn na nan ye Ahija, u aate nan ye Ikabod aakpel Ahitub na. Ahitub aate le nan ye Fineas, le uyaaja ye Eli, Uwumbɔr aatotoor u nan bi Silo aatiŋ ni na. Unii ubaa aa nan nyi ke Jonatann siir.

1 Samuel 2:11

Tɔ, Elkana gir kun Rama, le Samuel u laa ye ubo na gaar Silo, ki tun Uwumbɔr aatuln, utotoor Eli chee.

1 Samuel 2:28

Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.

1 Samuel 22:18

Le Sɔɔl bui Doeg ke, “Sin, ku bi.” Le Doeg ku bi mɔmɔk. Liyaadaal ngbaan u nan ku bitotoorb bi nan ŋeer ke bi peen utotoor aabɔkul na imonko inaa ni biŋmu la.

1 Samuel 3:1

N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.