1 Samuel 2:11 - Uwumbɔr aagbaŋ

¹¹ Tɔ, Elkana gir kun Rama, le Samuel u laa ye ubo na gaar Silo, ki tun Uwumbɔr aatuln, utotoor Eli chee.

1 Samuel 2:11 ပူးပေါင်းရင်းမြစ်များ

1 Samuel 1:1

Uja ubaa nan bi, bi nan yin u ke Elkana, u nyan ni Efraim aamaal ponn ni la, le ki koo Rama aatiŋ ki bi Efraim aatiŋ ki ŋigongon wiir nima na ponn ni. Ute le nan ye Jeroham, le uyaaja mu nan ye Elihu, u nyan ni Tohu aamaal mu ye Suf aataŋaal na.

1 Samuel 1:19

Naah woln kichakpiik ni na, le Elkana ni waadichal fii mala, ki ki doon Uwumbɔr, le ki gir kun Rama aatiŋ ni. Tɔ, Elkana nan doon upuu Hana chee, le Uwumbɔr kii waameel.

1 Samuel 1:28

Kina pu le m joo ni u m nan di tii Uwumbɔr. N‑yoonn mumɔk u bi limɔfal ponn ni na, u ga li ye Uwumbɔr yoo la.” Le bi doon Uwumbɔr nima chee.

1 Samuel 2:18

N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.

1 Samuel 3:1

N‑yoonn ngbaan na, buyoonn unachipɔnbo Samuel nan bi tun Uwumbɔr aatuln Eli chee na, Uwumbɔr aa nan ki joo waabɔr naŋni binib sakpen, kaa ki joo ubaa mɔk binib yɔl yɔl.

1 Samuel 3:15

Samuel nan gaar dɔ le kitaak ti woln; le u fii ki piir Uwumbɔr Aadichal aabisamɔi. Waa nan kaa ke u bui Eli tibɔr ti Uwumbɔr kpiir tuk u na.

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.