1 Samuel 2:10 - Uwumbɔr aagbaŋ

¹⁰ Uwumbɔr aadim ga kuln; u bi paacham ki ga teen bi pu ke utaal na. Uwumbɔr le ga ji dulnyaa mɔmɔk tibɔr; u ga tii waabɔr mpɔɔn, u ga cha waah lee ubɔr u na kan linyaŋ.”

1 Samuel 2:10 ပူးပေါင်းရင်းမြစ်များ

2 Samuel 22:14

Le Uwumbɔr bi kitaapaak ki teen ke utaal na; le binib mɔmɔk ŋun Uwumbɔr Mpɔɔnsakpiindaan aaneel pu.

2 Samuel 7:13

Uma le ga nan maa lidichal tii mi, le m ga cha waanaanjirb aan doo.

2 Samuel 7:8

“Kina pu na, bui maatutunn David ke min Uwumbɔr, u yeh mpɔɔn na, le bui u ke, ‘Aa nan ye upihdaan le ki lik ipiih timoor ni, le m lee si ki di ŋa Israel yaab aajojoor.

Job Aagbaŋ 40:9

Aa kpa mpɔɔn ke min na aa? Aaneel ga li ŋmaa pɔɔ ke min yaan na aa?

Ilahn 132:17

Do le m ga ŋa David aayaabitiib ubaa ubɔrkpaan; do le m ga kaan ubɔr u m lee u na ki ti saa n‑yoonn mu kaa kpa ndoon na.

Ilahn 148:14

U nan gee waatimbol Israel yaab pam ki tii bi mpɔɔn, nima pu le bi pak u. Pak Uwumbɔr man.

Ilahn 2:2

Baabɔrb yiil Uwumbɔr aamɔb, le baajojoob kpaani ki kpokl Uwumbɔr, ni waah lee ubɔr u na pu.

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 2:9

Aa ga di tikur aadabil gbaa kool bi; aa ga gbaa wii bi yak yak ke tiyakr aabuul na la.’”

Ilahn 20:6

M bee dandana wee ke Uwumbɔr le tii waah lee ubɔr u na linyaŋ; u bi waapaacham ni bi chain na ni, le ki keei u, ki joo waapɔɔn tii u linyaŋ.

Ilahn 20:7

Bibaa tii baatɔb aataan aatɔroku le naadii, le biken mu tii baataan naadii, le tima tii Tidindaan Uwumbɔr aapɔɔn naadii.

Ilahn 21:1

Uwumbɔr, ubɔr aasui piir, ba pu? aa tii u mpɔɔn; saah tii u linyaŋ pu na le u kpa mpopiin.

Ilahn 28:8

Uwumbɔr kii waanib la; u ter waah lee ubɔr u na, le ki gaal u lir.

Ilahn 45:7

aa gee lituln li ŋan na, le ki nan titunwanbir. Kina pu le Uwumbɔr u ye Saawumbɔr na lee si ki tii si mpopiin ki jer bibɔrb biken.

Ilahn 89:17

Aa tii timi ŋinyaŋ sakpiin, saageehm cha ti nyaŋ.

Ilahn 89:24

M ga li gee u, ki li si upuwɔb; m ga cha u li kani linyaŋ.

Ilahn 89:25

M ga taln waanaan ki nya Kaasisik ni Aanyusakpem mɔk ki ti saa Yufrates Aamɔɔl mɔk.

Ilahn 98:9

ba pu? u choo ke u nan joo dulnyaa la; u ga di mbimbinyaan ni ibamɔn le joo dulnyaa aanib.

Nnyam 15:6

Uwumbɔr, saaŋangii le tun mpɔɔn aatuln li kpa kipak na; muma le kool saadim aakpab yuk yuk.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Ulandaan 12:14

Uwumbɔr ga ji timi tibɔr, timi aatun mɔmɔk pu. U ga ji timi tibɔr, timi aatunyaan, ni ŋi kaa ŋan na, ni taah tun ŋi libɔɔl ni na pu.

Aisaya 29:6

Libuul ngbaan ni, le Uwumbɔr Mpɔɔnsakpiindaan ga gaa nimi lii. U ga cha utaal gben, le kitiŋ mu ga deŋ. U ga cha kibuŋ ki pɔɔ na ni imii dan;

Aisaya 32:1

N‑yoonn mubaa le ubɔr u joo waanib ni ibamɔn na, ni waaninkpiib bi joo ibamɔn tun baatuln na ga fuu ni.

Aisaya 45:24

Bi ga len ke min baanja pu le unii ga ŋmaa kan linyaŋ ni mpɔɔn; le bimɔk gee m pu liŋuul na ga ji inimɔɔn.

Esekiel 29:21

“Kina yaa nan ŋa kan, m ga cha Israel aanib pɔɔk, ki cha sin Esekiel sil unii mɔmɔk aah ga ŋun aa pu nin chee na ki len tibɔr, ki cha bi bee ke min le ye Uwumbɔr.”

Matiu 25:34

Le min, u ye Ubɔrkpaan ngbaan na, ga bui binib bi si ŋŋangii wɔb na, ‘Nimi bi Nte Uwumbɔr ŋa tinyoor ŋa ni pu na, dan nan ji nnaan mu u nan toor siin nimi, buyoonn u nan naan dulnyaa wee na.

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Tibɔnyaan ti Luk ŋmee ti na 1:69

ki tii timi unii u ga gaa timi lii, ki kpa mpɔɔn, ki ye waatutunn Ubɔr David aamaal ponn ni aanii ubaa na.

Tibɔnyaan ti Luk ŋmee ti na 19:27

Tɔ, maadim bi kaa nan ban ke m li ye baabɔr na, li joo ni bi do chee na, ki nan ku bi nnimbiin ni.’”

Lituln 10:38

Ni nyi waabɔr. Uwumbɔr nan nyan u, ki di Waafuur Nyaan gbiin u ki tii u mpɔɔn, ki nan bi u chee. Uwumbɔr aah bi u chee na, le u buen ŋipepel mɔmɔk, ki tun lituln li ŋan na, ki cha binib bimɔk nan bi kinimbɔŋ aaŋaal ni na pɔɔk.

Lituln 4:27

Tɔ, David aah nan len pu na, ni ye mbamɔn la. Ubɔr Herod, ni Pontius Pailat, ni Juu yaab, ni binib bi kaa ye Juu yaab na nan kuun kitiŋ kee ponn ni, ke bi nan ku Saatutunn Yesu u ye chain na. Uma le aa nyan ke u gaa timi lii.

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.

Bibɔjirb 5:31

Uwumbɔr, cha saadim mɔmɔk kpoi kina, ki tee cha aajɔtiib li moor lak lak ke nwiin mu laa bi puur ni na. Tɔ, nsuudoon nan bi kitiŋ ngbaan pu ki ti saa ŋibin imonko ilee.

1 Samuel 12:13

“Tɔ, ubɔr u ni lee u na sɔ do; nimi le ban u, le Uwumbɔr di u tii nimi.

1 Samuel 12:17

Ni ye lipeel la, naa ye ee? Tɔ, m ga mee Uwumbɔr, le u ga cha utaal nu ki li tar. Nimina yaa ŋa kan, ni ga bee ke ni tun Uwumbɔr titunwanbir ti bir na, ke u tii nimi ubɔr.”

1 Samuel 12:18

Samuel nan mee limeel, le Uwumbɔr cha utaal nun ki tar liyaadaal ngbaan. Le binib ngbaan mɔmɔk san Uwumbɔr ni Samuel mu ijawaan,

1 Samuel 12:3

Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”

1 Samuel 15:28

Le Samuel bui u ke, “Uwumbɔr daa gaa Israel aanaan aa chee, ki di tii unii u jer si na.

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 7:10

Buyoonn Samuel bi toor kitork ngbaan na, le Filistia yaab dan ke bi nan tak bi. Libuul ngbaan ni, le Uwumbɔr teen paacham ke utaal na, bi pu. Le bilan ŋmal, le ijawaan chuu bi, le bi san.