1 Samuel 19:5 - Uwumbɔr aagbaŋ

⁵ U nan di waamɔfal ŋa uŋaal ni, le ki ti ku Goliaf, le Uwumbɔr tii Israel yaab mɔmɔk linyaŋ sakpeln. Saah nan kan kina na, ni nan mɔ si la. Ba tee ki ŋa, aa ki ban aa tun titunwanbir unii u kaa kpa taani ubaa na pu, ki ku David, tibɔr ti kaa kpa tataa na pu?”

1 Samuel 19:5 ပူးပေါင်းရင်းမြစ်များ

2 Samuel 23:10

le u nan sil kiir bi, aan u ni Filistia yaab jan, le uŋanbim ti gɔb gaar waajaak aajuk pu. Uwumbɔr nan nyaŋ linyaŋ sakpeln liyaadaal ngbaan. Nee aapuwɔb, le Israel aajab nan gir ni, Eleasar aah si nin chee na, le ki nan chuu peer waah ku bi na aajaak aakur aabɔkul.

1 Bibɔrb Aabɔr 11:14

le u ni waajab nan nyal sil bukpaab ngbaan aakaasisik ni ki to Filistia yaab ngbaan butɔb. Uwumbɔr nan cha u nyaŋ bi pel pel.

1 Bibɔrb Aabɔr 11:18

Le bijakpaam ngbaan bɔ dii Filistia aajab ni, ki ti lun ni nnyunbun ngbaan ponn ni aanyun, ki di gir ni nan tii David. Le u nan yii, kaa nyun mu; u nan di mu tii Uwumbɔr la,

Ilahn 109:5

Bi joo mbiin le pa mi maaŋann pu, ki joo kinanaŋ pa mi maah gee bi pu na.

Ilahn 119:109

M kii n‑yoonn mɔmɔk ke m di maamɔfal pa talmaa; maan suln saakaal.

Ilahn 25:3

Binib bi kpa gaakii tii si na aa lir, le binib bi nya aapuwɔb mala na ma lir la.

Ilahn 69:4

Binib bi nan mi fam na wiir jer tiyikpir ti bi n‑yil pu na, Maadim mɔni inyamɔn le paani mi, bi kpa mpɔɔn le ki ban bi ku mi. Bi cha m joo tiwan ni maa sun na le giini tii.

Ilahn 94:21

ki kpokl binib bi aabimbin ŋan na pu ki cha bi ku binib bi kaa tun taani na,

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Jeremia 26:15

Tɔ, li nyi man kina: ni yaa ku mi kan, nimi ni kitiŋ kee aanib aabɔr ga bii ke ni ku unii u kaa tun taani ubaa na, ba pu? Uwumbɔr le tun ni mi ke m nan sak nimi.”

Matiu 27:24

Pailat mu kan ke waan ŋmaa ŋa nibaa, le ki ban nnyun, ki ŋir uŋaal binimbil ni, ki len ke, “Uja nyaan ngbaan aasin aa bi ŋŋaal ni. Ni ye nimi aabɔr la.”

Matiu 27:4

le ki bui bi, “M tun titunwanbir la. M kooh unii u kaa kpa taani na ke bi ti ku u.” Le bi bui u, “Naa ye timi aabɔr. Ni ye saabɔr la.”

Jɔnn 15:25

Bi nan timi kina ke ni gbiin Uwumbɔr Aagbaŋ aah len pu na ke, ‘Bi po nan mi fam la, naa ye ke m ŋa bi nibaa.’

Lituln 20:24

Tɔ, m yaa kpo, bee m yaa bi kan, ntafal aa bi ni ni. Tidindaan Yesu tii mi lituln, ke m tuk binib tibɔnyaan ngbaan, ke Uwumbɔr gee bi. Ntafal bi lituln ngbaan ponn ni, ke m tun li ti doo.

Filipi 2:30

ba pu? Kristo aatuln pu, waa nan daa nkun. Waah nan ban u ter mi, naah kaa nan ŋmaa ter mi pu na pu, le u nan kan linimaln.

Hiibru Yaab 2:3

Nima pu na, ti yaa yii ŋŋmarkpaan ngbaan aaboln kan, taan nyan ntafadaan ni. Tidindaan ubaa le nan pue tuk binib ŋŋmarm ngbaan aabɔr. Le binib bi ŋun na mu tuk timi, ki mɔk timi ke ti gbii la.

Bibɔjirb 12:3

Maah nan ti bee ke naan gaa mi lii na, le m di maamɔfal ŋa ŋŋaal ni, ki puur ke m ti faa bi butɔb, le Uwumbɔr cha m nyaŋ bi. Tɔ, ba ki ŋa aan ni choo ke ti nan jan?”

Bibɔjirb 9:17

Teer man ke nte nan jan kijaak nimi pu. U nan di waamɔfal ŋa uŋaal ni le ki gaa nimi Midiann yaab chee lii.

1 Samuel 11:13

Le Sɔɔl bui ke, “Ubaa aan kpo din wee; ba pu? din wee le Uwumbɔr gaa Israel yaab lii.”

1 Samuel 14:45

Le bijab ngbaan bui Sɔɔl ke, “Jonatann u tii Israel linyaŋ limina na kpo oo? Aayii. Ti puu Uwumbɔr u bi n‑yoonn mɔmɔk na pu ke, hali waayikpir kibaa aan nya uyil pu. Waah ŋa pu din wee na ye Uwumbɔr aaterm pu la.” Le bijab ngbaan nan gaa Jonatann lii, le baa ku u.

1 Samuel 19:6

Sɔɔl nan ŋun tii Jonatann aah len pu na, le ki puu Uwumbɔr aayimbil pu ke waan ku David.

1 Samuel 20:32

Le Jonatann baa u ke, “Ba ŋa aa ban aa ku u? U ŋa ba?”

1 Samuel 22:14

Ahimelek nan kii u ke, “David le ye saatutunn u si aapuwɔb mbamɔm na. U ki ye aachool la, ki ye bijab bi kii si na aaninkpel la. Le unii mɔmɔk tii u kipak, saachiln ponn ni.

1 Samuel 28:21

Upii ngbaan nan buen u chee le ki ti kan ke ijawaan le nan chuu u sakpen; le u bui u ke, “Maaninkpel, m ba di maamɔfal ŋa ŋŋaal ni, le ki ŋa saah ban pu na. Tɔ, m gaŋ si, aa mu pɔɔk aabaa ki ŋa maah ban pu na.